Jirimiạ 13:14 - সান্তালী বাইবেল

¹⁴ Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Jirimiạ 13:14 Iomraidhean Croise

Jobakʼ 27:22

Ona birbão hoe khon tinre usạrateko ńirjoṅa unre kurmutạha leka ona do onko cetanre paṛaokʼa.

Sereńko 2:9

Mẽṛhẽtʼ ṭheṅgate am do onkom rạputʼkoa ar hasa reakʼ bhajan lekam tawakʼ gejer cabakoa.”

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jirimiạ 15:5

“E Jerusalem, am do okoeye dayawama? Am lạgitʼ do okoeye homor halaṅa? Cetʼ leka menama ona kulime lạgitʼ do okoeye hijukʼa?

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 16:5

“Okaṭakʼ oṛakʼre hoṛko homor halaṅetʼkan ona oṛakʼte do alogem bolokʼa; Homor hakʼlaṅ ar onkoakʼ duktem dukokʼte onḍe do alogem calakʼa, ente noko hoṛko khon ińakʼ suluk, dulạṛ ar daya doń ocokʼ akatʼtińạ.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jirimiạ 25:16

Onko do ona ńũkateko konḍe manḍekʼa ar okaṭakʼ lạṛhại onko talareń kol ona iạteko lelha cabakʼa.

Jirimiạ 47:3

Onko do bandhaṛ sadomkoakʼ khurạ reakʼ kaṭapʼ kaṭapʼ saḍe, bạirikoakʼ rãt gạḍiko reakʼ huḍ huḍạukʼ saḍe ar pạ̃ihạ̃ko reakʼ giṛgiṛ saḍeko ańjoma. Unre baba do akoren hoponko goṛowako lạgitʼ bako ruạṛa; onkoakʼ ti do lạbṛugokʼtakoa.

Jirimiạ 48:12

Menkhan dinko hijukʼ kana tinre iń do kanḍa dũṛũcʼ lạgitʼ hoṛkoń kolkoa, onko do uniko dul oḍokea; uniyakʼ kanḍako khạliytaea ar uniyakʼ bhajan doko rạputʼ gejertaea.

Jirimiạ 6:21

Onate Probhu Isore meneda, “Noko hoṛ samaṅre iń do aema tạkʼkicʼakʼ iń dohoya. Apat ar hoponko onare mitʼ domteko tohodokʼa; aḍepaseren hoṛ ar gateko doko marao utạrokʼa.”

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.

Jeheskel 24:14

Ińakʼ kạmi reakʼ okte do seṭerakana. Iń do onań onkaegea, bạń mãyãkʼa se bạń dayakʼa. Amakʼ colon ar amakʼ kạmi lekagem bicạr ocokʼa. Iń Probhu Isorge noa katha doń meneda.’ ”

Jeheskel 7:3

Ńitge ona okte do am cetanre hecʼpaṛao akana ar am upạrte ińakʼ edre doń dula. Amakʼ colon lekań bicạrmea ar sanam hirkhạwakʼ kạmiko iạte amiń sạjạimea.

Jeheskel 7:4

Iń do mãyãte hõ bạń beṅgetʼama ar aṛakʼ hõ bạń aṛakʼmea; amakʼ colon ar am bhitri reakʼ hirkhạwakʼ kạmiko iạte iń do khạṭigeń sạjạimea. Ar unrem baḍae daṛeakʼa, ińkangeạń Probhu Isor do. ’ ”

Jeheskel 7:9

Iń do mãyãte bạń beṅgetʼapea ar aṛakʼ hõ bạń aṛakʼpea; apeakʼ colon ar ape tala reakʼ hirkhạwakʼ kạmiko reakʼ kuṛạiyiń emapea. Ar unrepe baḍae daṛeakʼa, iń Probhu Isorgeń hạhạna mente.

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”

Jeheskel 9:5

Ona tayomiń ańjomkeda uni do onko turui hoṛe metakokana, “Ape do nagraha talate uni pańja idiyepe ar jãhãn daya mãyã baṅkate hoṛpe gocʼkoa, ar okoege alope aṛakʼkoa.

Hosea 2:4

Uniren hopon ar hoponerako do bạń dayawakoa, ente onko do laṭghaṭren hopon kanako.

Sakariạ 11:6

Disạmren hoṛko cetanre iń do ar bạń dayakʼa; iń do mimitʼko ako aḍepaseren hoṛko ṭhen ar rajawakʼ tireń jimạkoa. Onko do disạmko jarkhara ar onkoakʼ ti khon okoege bạń bańcaokoa.”

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Mark 13:12

“Boeha do boehatetʼe soprotea, apat do hopontetʼ gocʼ ocoye lạgitʼe sapʼocoyea. Gidrạko do go-baba upạrteko teṅgona arko khũn ocokoa.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

1 Samuel 14:16

Benjamin ṭoṭha reakʼ Gibeare Sạulren paharadar lạṛhại phạdkoko ńelkeda, Philisṭi lạṛhại phạdko doko chirchạtur akana.