Jirimiạ 12:8 - সান্তালী বাইবেল

⁸ Ińakʼ sompotti do birren mitʼṭen dhạcri kul leka hoyakana. Uni do iń ńelteye hạnḍrạukʼ kana, onate iń do uniń kurudae kana.

Jirimiạ 12:8 Iomraidhean Croise

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Jirimiạ 51:38

Uniren hoṛko do jotoge dhạcri kul lekako hạnḍrạukʼa, dhạcri kul hopon lekako gõ gõkʼa.

Jeheskel 23:18

Uni do tinre khulạsate loṭghuṭiye ehopʼkeda ar acʼakʼ uluṅtetʼe sodorkeda unre iń do uniń hirkhạwadea, cetʼleka acʼren boeha kuṛiń hirkhạwade tahẽkan.

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Mikạ 2:8

Nebetar ińren hoṛ do bạiri lekako hoyakana. Lạṛhại khon ruạṛ hecʼakan hoṛko leka okoe do khạtirjomako dãṛãnkan onkoakʼ hoṛmo khon kicricʼpe or totʼetʼtakoa.

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.