Jirimiạ 12:7 - সান্তালী বাইবেল

⁷ “Iń do amren hoṛkoń aṛakʼ giḍi akatʼkoa ar ińakʼ sompotti Israel doń bạgi akadea; ar okoeyiń dulạṛede uni do acʼren bạirikoakʼ tireń soprot akadea.

Jirimiạ 12:7 Iomraidhean Croise

2 Rapajko 21:14

Ińren hoṛkoren sarecʼ hĩsko doń bạgi oṭoakoa ar bạirikoakʼ tireń jimạkoa. Onkoren sanam bạiriko do onkoakʼko luṭtakoa ar jotowakʼ jor julumkateko idiy takoa,

Sereńko 106:40

Onate Probhu Isorakʼ edre do onko hoṛ cetanre caṛhaoena; ar okoe acʼakʼ ạidạrireko tahẽkan onko doe hirkhạwatʼkoa.

Sereńko 78:62

Acʼren hoṛko uni do bạirikoakʼ tarwaṛereye dohoketʼkoa; acʼren hoṛko cetanre uniyakʼ edre do paṛaoena.

Jesaea 2:6

Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Jirimiạ 11:15

“Ińren dulạṛiạyicʼ do ińakʼ oṛakʼre cetʼ ạidạri menakʼtaea, aemako tulucʼ dusṭạmiye kạmiakatʼ khan? Cetʼ sonot jel do amakʼ nosṭokʼe eṛankea? E behokko, muhin hecʼapere hõ cetʼpe hulạskokʼa?”

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 23:33

Probhu Isor do ińe metadińạ, “Noko hoṛ se jãhãe nạbi se naekeko tinre amko kulimea, ‘Probhu Isorakʼ katha do cetʼ kana mente?’ Unre onkom lạiyakoa, Probhu Isore meneda, ‘ape do ińren bojhako kanape ar iń doń giḍikapegea.’

Jirimiạ 23:39

enḍekhan khạṭigiń uṭhạupea ar iń samaṅ khoniń giḍikapea ar okaṭakʼ nagraha do ape ar aperen hapṛamkoń ematʼko tahẽkan ona nagraha hõ iń samaṅ khoniń lebda giḍikakʼa.

Jirimiạ 51:5

Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.

Jirimiạ 7:14

Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Joel 2:15

Ape do Sionre sakwa oroṅpe, ar sonot upạs reakʼ bebostaepe, ar mitʼṭecʼ sabha hoeocoype;

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Dosar Biboron 33:12

Benjạmin reaṅ uni doe menkeda, “E Probhu Isor okoeyem dulạṛedekan uni do khạtirjoma unireye tahena; ar jao ghuṛi uni doe aḍ dohokaea; uniyakʼ tarenregeye tahena.”