Jirimiạ 12:6 - সান্তালী বাইবেল

⁶ Amren boehako, metakʼme am bõsren hoṛ do bepạtiạrko hoyakana; onko hõ am tayomreko lagao akana. Am reaṅ bhageakʼ kathako roṛlere hõ onko do alom pạtiạuakoa.

Jirimiạ 12:6 Iomraidhean Croise

Jobakʼ 6:15

Menkhan ińren gateko cetanre do ohoń bhorsa daṛelena; onko do nonkan ạtukʼ dakʼ lekanako one okte oktere bondokʼ kan arhõ okte oktere do gaḍa perecʼ cape rakabokʼ kan.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 12:3

Okoeko men, “Alaṅ reakʼ jortege bon jitạukʼa; ar aboakʼ luṭi do abo secʼge menakʼa, aboren mạlik do okoeye hoekokʼa?” Onkoakʼ luṭi ar bạḍạite perecʼ alaṅ do Probhu Isorge jemone getʼ giḍikatako.

Sereńko 69:8

Ińren boehako ṭhen iń do bin opromicʼ iń hoyakana, ar eṅgat lacʼren boehako ṭhen do porjạt lekań hoyakana.

Kạhtukko 23:8

Ar amem lapetʼ akatʼakʼ dom ulạ giḍiya, ar amakʼ jut jut kathako do ạuṛiyagokʼa.

Kạhtukko 26:25

Uniyakʼ katha sebelgere hõ alom pạtiạuakʼa, ente uniyakʼ ontorre do eae goṭecʼ hirkhạwakʼko menakʼa.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Jirimiạ 11:21

Ona iạte Probhu Isor do Anathotren hoṛko reaṅe meneda, “Okoe amakʼ jiwiko sendra baṛayetʼ arko menetʼ, ‘Probhu Isor ńutumte nạbi lekate katha do alope mena, arpe roṛle khan aleakʼ tirepe gujukʼa.’

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 9:2

Hae, hahaṅkar ṭhạ̃ire horten calakʼkoakʼ mitʼṭecʼ ḍerań hoylen khan! Enḍekhan ińren hoṛko bạgikate onḍegeń sen pharakkokʼa, ente onko jotoge laṭghaṭ ar ekʼṛekoren dol kanako.

Jirimiạ 9:3

Probhu Isore meneda, “Onko do eṛeyakʼ sar tuń lạgitʼ akoakʼ akʼ leka alaṅko sapṛao akatʼtakoa; disạmre sạriyakʼ cetanre eṛeyakʼ jitạu akana. Onko do kại cetanko kạiyeda. Ar akoren Isor mente bako aṅgoc edeńkana.

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Jirimiạ 9:5

Gate do gateye ṭhokayea ar sạri katha do okoe hõ bako roṛeda. Onko do akoakʼ alaṅre eṛe roroṛko cetʼ akada; ar ghạṭ iạteko laṅga caba akana.

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Mark 12:12

Unre sostor baḍaeko do Jisu sabeko menjoṅana, enteko bujhạukeda, ako upạrtege ona phen doe lạiyeda. Menkhan onko do hoṛko botoratʼkote Jisu bạgiyadeteko calaoena.

Johan 7:5

Ar acʼren boehako hõ Jisu do bako pạtiạuae kan tahẽkana.

Aposkạmi 16:22

Ado eṭakʼ hoṛko hõ onko sãote mitʼkate Pạul ar Silạs upạrteko teṅgoyena. Unre disạm cakʼlaoyicʼ doe hukumkeda unkinakʼ kicricʼ jemonko oṛejtạkin arko dalkin.

Aposkạmi 18:12

Ado Gallio tinre Akhaearen disạm cakʼlaoyicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.