Jirimiạ 12:5 - সান্তালী বাইবেল

⁵ “Manwa sãote ńir haparaokʼrem laṅgayen khan tobe do sadom sãote ńir haparaokʼ do cekatem daṛekokʼa? Eken sulukte perecʼ disạmrege khạtirjoma tahenem hudisetʼ khan enḍekhan jordan reakʼ bir gajaṛre do cekatem tahena?

Jirimiạ 12:5 Iomraidhean Croise

1 Bõsbudạ 12:15

Ona bochor reakʼ pạhil candore jordan gaḍa reakʼ dakʼ tinre perecʼlena unre nokoge paromkate gaḍa purub ar gaḍa pạchim bilạn ṭạnḍire girobasokʼkan sanamkoko laga ńirletʼkoa.

Sereńko 42:7

Onḍe amakʼ jharna reakʼ saḍe do athantarre hohokʼkana; ar amakʼ ḍheoko ar hud hudạukʼkan dakʼko do iń cetante ạtu paromokʼ kana.

Kạhtukko 24:10

Gạr hilokʼrem lạbṛukʼena menkhan, enḍekhan am dom lebṛecʼgea.

Kạhtukko 3:11

E bạbu, Probhu Isorakʼ ḍanṭao baṛe moneyakʼme, uniye egerlemre alom ạtruńokʼa;

Jirimiạ 11:21

Ona iạte Probhu Isor do Anathotren hoṛko reaṅe meneda, “Okoe amakʼ jiwiko sendra baṛayetʼ arko menetʼ, ‘Probhu Isor ńutumte nạbi lekate katha do alope mena, arpe roṛle khan aleakʼ tirepe gujukʼa.’

Jirimiạ 26:8

Menkhan Probhu Isorakʼ hukum leka Jirimiạ do sanamakʼe lại sạtketʼ khan naekeko, nạbiko ar sanam hoṛko do uni sapʼkedeteko metadea, “Am do gujukʼtege hoyokʼtama.

Jirimiạ 36:26

Ona bodolte uni do olokʼicʼ Baruk ar Jirimiạ nạbi tạkin sapʼ ạgukin lạgitʼ raj hopon Jirohomel, Asrayelren hopon Sorae ar Abdiyelren hopon Selimi takoye hukumatʼkoa. Menkhan Probhu Isor do unkine oko dohokatʼkinạ.

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 50:44

Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Josuạ 3:15

Phosol samṭao reakʼ purạ okte jordan gaḍa reakʼ dakʼ do ḍhip khon se oḍokʼkan tahẽkana. Menkhan goha-sinduk gogokʼ naekeko do jordan gaḍa ṭhen seṭerkate dakʼreko boloyen khan cetan khon ạtu hijukʼkan dakʼ do thir hapeyena. Ona dakʼ do sạṅgiń reakʼ Sartham nagraha sor Adam ato ṭhen dun dun teṅgoyena; onate dakʼ do Araba doreão secʼ, metakʼme buluṅ doreão secʼ ạtu calakʼ do thirena. Onate Israelko do Jerikho nagraha reakʼ samaṅ secʼte gaḍako paromena.

1 Patras 4:12

E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.