Jirimiạ 12:3 - সান্তালী বাইবেল

³ E Probhu Isor, am dom baḍae akadińạ; arem tunkhi talaseyedeń kana ar tinạkʼ iń botoramkan ona hõm biḍạu aṭkar edeńkana. Onko do bhiḍiko leka gurko lạgitʼem tiyạkʼ idiyetʼkoa; ar gurko hilokʼ lạgitʼem begar dohoyetʼkoa.

Jirimiạ 12:3 Iomraidhean Croise

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Jobakʼ 23:10

Menkhan iń oka horteń calakʼkan ona doe baḍaekana; are biḍạu aṭkarliń khan iń do khạṭi sona lekageń hoykokʼa.

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Sereńko 139:23

E Isor, bhagete biḍạu aṭkarińme, ar ińakʼ ontor reakʼ dosa baḍaeme; ar biḍạu aṭkarińme, ińakʼ bạṛicʼ hudis reakʼ katha baḍaeme.

Sereńko 17:3

Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Sereńko 26:1

E Probhu Isor, dhorom horre minạń ona baṛe udukʼ akome, ente iń do sạbit colonreń taṛameda; ar Probhu Isorregeń bhorsakʼ kana.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Jirimiạ 15:15

E Probhu Isor, am do jotowakʼgem bujhạu daṛeakʼkana; onate ińakʼ katha disạime ar ińakʼ moneyakʼme. Ińren jor julumko cetanre amge hala hạlime. Onko cetanre amakʼ sombhuri do ḍhergetama, menkhan onko tire do alom marao ocoyińạ; disạime, am iạte cetʼlekan ṭiṭkạriń sahao akada.

Jirimiạ 17:16

Amren hoṛ gupiko khon iń do bạń ńir pharak akana; am dom baḍaegea muhin do bạń khojkana. Ińakʼ moca khon oka oḍokokʼ ona do am ṭhen baṅ okoya.

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jirimiạ 20:12

E phạdkoren Probhu Isor, am do dhorom hoṛkom biḍạu aṭkaretʼko kana ar mimitʼkoakʼ ontor ar mon reakʼ katham baḍaekana. Ińren bạiriko cetanre onem hala hạliyetʼkan ona baṛe ńel ocoyińme, ente ińakʼ mambla do amgeń baḍae ocoakatʼmea.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jirimiạ 51:4

Onko do ghạl iạte Babel reakʼ hor horte gocʼ bhinḍạṛ akanko tahena.”

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Jakob 5:5

Noa dhạrtire ạḍi nirạite dinpe ṭalaoeda ar bin sambṛaokʼtepe ten ocoakana. Gujukʼ din lạgitʼpe logno akana.

2 Patras 2:12

Menkhan bin buj janwarko leka okoe do sobhabtege sapʼocokʼ ar gocʼ ocokʼ lạgitʼko janam akan, noko eṛe cecetʼko hõ onko lekage. Onko do okaṭakʼ bako bujhạu akatʼ ona reaṅ bạṛicʼ kathako roṛa. Ar akoakʼ bạṛicʼakʼrege onko doko ḍahao maraokʼa.