Jirimiạ 12:16 - সান্তালী বাইবেল

¹⁶ Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 12:16 Iomraidhean Croise

Soros sereń 1:8

E maejiukoren mońj utạricʼ, am do ona bam baḍae khan palren bhiḍikoakʼ pańja ńel ńelte hijukʼme ar gupikoakʼ tạmbu aṛete amren merom hoponko gupikotam.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Jesaea 42:6

“Iń Probhu Isorge dhoromreń hohoakatʼmea; iń do amakʼ tiyiń sabtama. Ińgeń rukhiyạmea ar ińren hoṛko lạgitʼ mitʼṭecʼ bondobos menkateń dohomea ar eṭakʼ jạtrenko lạgitʼ do marsal lekań hoe ocomea.

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Romiko lạgitʼ Pạul Apostolakʼ ciṭhi 11:17

Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Romiko lạgitʼ Pạul Apostolakʼ ciṭhi 14:11

Sonot sostorre olakana, “Probhu Isore meneda, ‘ińiń jiwetʼge iạte mitʼke mitʼ gunṭhi do iń samaṅre ikhṛumokʼa, ar mitʼke mitʼ alaṅ do Isore sarhaoea.’ ”

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

Josuạ 23:7

Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.

Rut reakʼ kạhini 3:13

Teheń ńindạ do nonḍege tahenme. Ar uni do gapa setakʼge amakʼ dạyik hataoe rạjikʼ khan tobe ma bhagege; are onka ocoange. Menkhan bae rạjikʼ khan iń do jiwetʼ Probhu Isor ńutumte kiriạkateń meneda, amakʼ dạyik iń hataoa. Ar am do ạuri setagokʼ hạbicʼ nonḍege giticʼ akan tahenme.”