Jirimiạ 12:13 - সান্তালী বাইবেল

¹³ Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Jirimiạ 12:13 Iomraidhean Croise

Sereńko 78:62

Acʼren hoṛko uni do bạirikoakʼ tarwaṛereye dohoketʼkoa; acʼren hoṛko cetanre uniyakʼ edre do paṛaoena.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Jirimiạ 4:26

Beṅgetʼkateń ńelkeda Probhu Isor samaṅre, uniyakʼ botoranakʼ edre samaṅre disạm do hahaṅkar hoyakana; uniyakʼ sanam nagrahako do dhaṅ dhaser akana.

Jirimiạ 9:5

Gate do gateye ṭhokayea ar sạri katha do okoe hõ bako roṛeda. Onko do akoakʼ alaṅre eṛe roroṛko cetʼ akada; ar ghạṭ iạteko laṅga caba akana.

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.

Mikạ 6:15

Itạpe eragea menkhan phosol do bape getʼ rakapʼ daṛeakʼa; ape do jạitun jope lelena menkhan ona reakʼ sunum do bape beohar daṛeakʼa, ar darkha len katehõ ona reakʼ rasa hõ bape ńũ daṛeakʼa.

Habakkuk 2:13

Phạdkoren Probhu Isor doe niṭ dohoakada, jạt jạtrenkoakʼ khaṭaoakʼ reakʼ kuṛại do seṅgelre atar giḍikʼa ar onko do ạuṛiyakʼge apnartetʼko laṅga ocokʼa.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Dosar Biboron 28:38

“Ape do ḍherpe er rehõ komgepe ira, ente pohoko do apeakʼ phosolko jomtapea.