Jirimiạ 12:12 - সান্তালী বাইবেল

¹² Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.

Jirimiạ 12:12 Iomraidhean Croise

Jesaea 34:6

Probhu Isorakʼ tarwaṛe do mãyãmte ńũ turetʼ akana; ona do itilte tol akana. Ona mãyãm do bhiḍi hoponko ar merom hoponkoakʼ mãyã leka ar itil do bheḍakoakʼ kunḍi reakʼ itil lekage, ente Probhu Isor do Bosrare mitʼṭecʼ samaṅokʼakʼ porobe hoeocoya ar Edomre do ạḍi utạr hoṛko gur ocokʼa.

Jesaea 57:21

Ińren Isore meneda, “Bedhoromko lạgitʼ do jãhãn sulukge bạnukʼa.”

Jirimiạ 15:2

Onko do amko kulilem khan, ‘ale do cetʼ hoyokʼtalea?’ Enḍekhan onkom metakoa, ‘Probhu Isor do noa kathae meneda, ‘okoe mahamạri lạgitʼ kanko onko do mahamạrite, okoe tarwaṛe lạgitʼ kanko onko do tarwaṛete ar okoe akal lạgitʼ kanko onko do akalteko gujukʼa; ar okoe do bondi ocokʼ lạgitʼ kanko doko bondi idi ocokʼa.”

Jirimiạ 16:5

“Okaṭakʼ oṛakʼre hoṛko homor halaṅetʼkan ona oṛakʼte do alogem bolokʼa; Homor hakʼlaṅ ar onkoakʼ duktem dukokʼte onḍe do alogem calakʼa, ente noko hoṛko khon ińakʼ suluk, dulạṛ ar daya doń ocokʼ akatʼtińạ.

Jirimiạ 25:11

Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.

Jirimiạ 3:2

“Ceḍe ḍuṅgriko secʼ beṅgetʼ rakapʼkate ńelme. Nonkan jãhãn ṭhạ̃i menakʼa one onḍe bam laṭghaṭ akatʼ? Okoeko tulucʼem laṭghaṭ akatʼ onko lạgitʼ am do hor aṛerem duṛupʼkokʼ kan tahẽkana, hahaṅkarre mitʼṭen Arabi hoṛ lekam tãṛãkʼkokʼ kan tahẽkana. Amakʼ hirkhạwakʼ ar loṭghuṭikote disạm dom bhonḍ akada.

Jirimiạ 3:21

Ceḍe ḍuṅgriko cetanre Israelkoakʼ rakʼjoṅ ar nehõr reakʼ aṛaṅ ańjomokʼ kana, ente onko do akoakʼ horko konḍea akatʼtakoa ar akoren Probhu Isorko hiṛiń akadea.

Jirimiạ 30:5

“Iń Probhu Isorgeń meneda, suluk reakʼ aṛaṅ do baṅ bickom toras reakʼ ãṭ aṛaṅge ańjomokʼ kana.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jirimiạ 47:6

Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’

Jirimiạ 48:2

Moab do ar bae sarhao ocokʼa; uniyakʼ ńurokʼ lạgitʼ hoṛko do Hesbonre soṛojontro tulucʼko mena, ‘dela, abo do onko jạtren bon marao utạrkoa.’ E Madmen, am hõm marao ocokʼa; tarwaṛe do ame khudạumea.

Jirimiạ 8:15

Sulukokʼ lạgitʼ bon aslena menkhan jãhãn bhạlạige baṅ hoylen tabona; abo do bogekʼ lạgitʼ bon aslena menkhan heṛan botor seṭeratʼbona.

Rak̕joṅ 3:17

Suluk do iń ṭhen khon sạṅgiń akana; ar bhạlại doń hiṛiń akada.

Jeheskel 14:17

“Iń do ona disạm upạrte tarwaṛe ạgukateń men, ‘disạm reakʼ sanam ṭhạ̃ire lạṛhại hoyokʼma,’ ar iń do onaren hoṛko ar janwarkoń gocʼko.

Jeheskel 21:28

“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.

Jeheskel 21:4

Dhorom hoṛ ar bedhorom hoṛ sanamko gocʼko lạgitʼ ińakʼ tarwaṛe do khap khoniń or oḍoka ar dạkhin khon utạr hạbicʼ sanam hoṛkoń gocʼkoa.

Jeheskel 21:8

Probhu Isor do arhõe metadińạ,

Jeheskel 21:9

“E manwa hopon, am do noa nạbi katha roṛme, Probhu Isore menetʼkana, ‘noa do tarwaṛe kana! Laser ar jhalkao akatʼ mitʼṭecʼ tarwaṛege!

Jeheskel 5:2

Ar tinre nagraha reakʼ gherao dinko cabakʼa unre ona upʼ reakʼ pe hạṭiń reakʼ mitʼ hạṭiń do nagraha talare seṅgelrem atar giḍikakʼa. Ar pe hạṭiń reakʼ mitʼ hạṭiń upʼ do tarwaṛete nagraha beṛhaetem samakʼ kuṭrạya, ar pe hạṭiń reakʼ mitʼ hạṭiń upʼ do hoerem uḍiạu gotʼkakʼa. Ar ona tayom tayomte iń do tarwaṛeń kola.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Amos 9:4

Bạiriko hotete eṭakʼ disạmteko bondi idi ocolenre hõ onko gocʼko lạgitʼ tarwaṛeń hukumaea. Bhạlại lạgitʼ do baṅ menkhan bin bhạlại lạgitʼ onko cetanre mẽtʼ do tahentińạ.”

Sephaniạ 2:12

Probhu Isore meneda, “E Kusrenko, apehõ ińakʼ tarwaṛetepe gujukʼa.”

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

Johan sodor 6:4

Unre seṅgel leka eṭakʼ mitʼṭen arakʼ sadome oḍok hecʼena. Ar okoe uni sadomreye decʼakan tahẽkan uni do dhạrti khon suluk ocog lạgitʼ ektiạriye em ocoyena, jemon hoṛko do ako akoko gocʼ gopojokʼ. Uni do mitʼṭen maraṅ okocʼ tarwaṛe hõe emocoyena.