Jirimiạ 11:23 - সান্তালী বাইবেল

²³ Ar onkoren sarecʼko mente do celehõ bako tahena, ente Anathotren hoṛkoakʼ cetanre ghoṭnań paṛao ocoya onkoakʼ sạjạiyokʼ reakʼ sermare.”

Jirimiạ 11:23 Iomraidhean Croise

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Jirimiạ 23:12

Ona iạte onkoakʼ hor do leńjedokʼ reakʼ horge hoyakana; ńut doe laga baṛakoa ar onko do onḍegeko bhindạṛokʼa. Ar sạjại emako jokhecʼ iń do onko cetanre muhiniń paṛao ocoya.

Jirimiạ 44:27

Onkoakʼ bhạlại lạgitʼ do baṅ menkhan bạṛicʼ lạgitʼte onko cetanre kheyaliń dohoyeda; Misorreko girobasokʼ kan Jihudiko do lạṛhại ar akalteko marao utạrokʼa.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jirimiạ 48:44

Okoe toras khone dạṛjoṅ uni do ghaḍlakʼreye ńurokʼa, ar okoe ghaḍlakʼ khone rakapʼ hijukʼ uni do jhãmpareye sabokʼa; ente iń do Moab reakʼ sạjạiyiń ṭhik dohoakada. Iń Probhu Isorge noa katha doń meneda.

Jirimiạ 5:29

Onate cetʼ onko do bạń sạjạikoa? Iń do cetʼ nonkan jạtrenko cetanre bạń halaea? Iń Probhu Isorge noa katha doń meneda.

Jirimiạ 5:9

Iń Probhu Isorgeń kulikana, niạ iạte onko do cetʼ bạń sạjạikoa? Nonkan jạtrenko upạrte iń do cetʼ bạń hala hạliya?

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jirimiạ 6:9

Phạdkoren Probhu Isore meneda, “Darkha khet khon cetʼ leka darkha joko gotʼ doṛhae onkage bạiriko do disạm khon Israel jạtrenko gotʼ dohṛakoa. Okoe hoṛ darkha joe god ar cetʼleka tiye ạwil onko hõ sarecʼ hoṛkore onkageko kạmiya.”

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Obodiạ 1:18

Jakobakʼ bõsren doko hoyokʼa seṅgel ar Josephakʼ bõsrenko do seṅgel reakʼ lepʼge; Esao bõsrenko do lanḍha lekako hoyokʼa ar ona seṅgel do onakoe lo torocʼkoa. Esao bõsren do celege jiwetʼ bako tahena. Iń Probhu Isorge noa katha doń meneda.”

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”