Jirimiạ 11:17 - সান্তালী বাইবেল

¹⁷ Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.

Jirimiạ 11:17 Iomraidhean Croise

2 Samuel 7:10

Ińren hoṛ Israelko lạgitʼ mitʼṭecʼ jaegań ṭhik dohoyte onḍege cara lekań rohoekoa, jemon onko do akoakʼ jaegare sulukteko girobas daṛeakʼ ar ińren hoṛ Israelko cetanre cakʼlaoyicʼ iń bahale tayom onko cetanre bạṛicʼ hoṛkoakʼ okako santao hecʼlen onka do ar bako daṛeakʼa. Iń do sanam bạirikoakʼ ti khon amiń rukhiyạmea. “ ‘Iń Probhu Isor do arhõń meneda, iń apnarge amren bõskoń teṅgo rakapʼkoa.

2 Bõsbudạ 28:25

Uni do debotako ńutumte dhup jered lạgitʼ Jihudạ reakʼ mitʼke mitʼ nagraha ar atokore than boṭkocʼkoe benao ocoketʼte uniren hapṛamkoren Probhu Isorakʼ edreye rakapʼ ocoketʼtaea.

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Sereńko 80:15

Okako poha do amakʼ titem rohoe akatʼ, ar okaṭakʼ reakʼ ḍạr do am lạgitʼem daṛe ocoakatʼ;

Sereńko 80:8

Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.

Jesaea 5:2

Uni do beṛhaeteye la ạcurkeda ar ona reakʼ dhirikoe ocokʼ giḍikada ar onare joto khon bhageakʼ darkha nạ̃ṛĩye rohoekeda. Uni do ona talare usulge pahra oṛakʼe benaokeda ar darkha lelen kunḍ hõ onareye kholaokeda. Ona tayom do bhage darkha jo lạgitʼe koyokʼ horkeda, menkhan onare do jojo darkha jo joyena.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jirimiạ 12:2

Onko do amgem rohoey akatʼkoa arko rehetʼ akana; onko doko harakʼkana arko jo bahakʼkana. Onko do mocate jao okte amakʼ kathako roṛa menkhan onkoakʼ ontor do am khon ḍher sạṅgińgetakoa.

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Jirimiạ 2:21

Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jirimiạ 26:13

Ńitokʼ ape do apeakʼ colon ar kạmiko sudhrạutape ar aperen Isor Probhuakʼ katha ańjomtaepe. Enḍekhan Probhu Isor do ape upạrte okaṭakʼ muhin kol reakʼe goṭa akatʼ ona do ar bae kola.

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 32:30

“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jirimiạ 40:2

Jirimiại aṛage jokhecʼ Nebusaradan do uniye metade tahẽkana, “Amren Probhu Isor do Jihudạ upạrte niạ maraokʼ reakʼgeye roṛleda.

Jirimiạ 40:3

Ar Probhu Isor do ńitokʼ onageye onka akada. Noako do hoyakana, ape do Probhu Isor upạrtepe kại akada ar uniyakʼ aṛaṅ hõ bape ańjomletʼtaea.

Jirimiạ 42:10

‘disạmrepe tahẽlen khan doń benao rakapʼ pea, ar bạń rạputʼ giḍipea; iń doń rohoepea, ar bạń totʼ giḍikapea, ente ape cetanre oka muhiniń ạguakatʼ ona iạte iń do monre dukiń ńamakada.

Jirimiạ 44:5

Menkhan onko do bako luturada, ar bako hetaoada; ar onko do akoakʼ dusṭạmi khon bako ruạṛlena ar debotako ṭhen dhup jered hõ bako bạgiletʼa.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 45:4

“Probhu Isor do niạ katha am lạiyam lạgitʼe metadińa, ‘iń Probhu Isor do goṭa disạm talare okaṭakʼ iń benaoakatʼ ona doń rạputʼ dhaṅ dhasera ar okań rohoe akatʼ ona doń or totʼ giḍikakʼa.

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jeheskel 17:5

Ona tayom uni do disom reakʼ pohako khon mitʼṭecʼ hataokate, gobrao hasareye rohoekeda. Ar aema dakʼ aṛere ona do sũṛũsucʼ dare lekae rohoekeda.

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.