Jirimiạ 11:11 - সান্তালী বাইবেল

¹¹ Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 11:11 Iomraidhean Croise

Jobakʼ 35:13

Onkoakʼ koejoṅre jãhãn labge bạnukʼa, ente Isor do ona bae ańjomtakoa; sanam daṛeanicʼ do mone hõ bae moneyako kana.

Sereńko 18:41

Onko do goṛo ńam lạgitʼko hohoyetʼkana, menkhan onko rukhiyạko lạgitʼ do celege bako hecʼlena. Onko do Probhu Isor ṭhenko dohaekeda, menkhan uni do bae roṛ ruạṛatʼkoa.

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jesaea 24:17

E dhạrtiren hoṛko, ape lạgitʼ botor, ghaḍlakʼ ar pạsi doe koyokʼ hor akada.”

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jirimiạ 11:17

Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jirimiạ 15:2

Onko do amko kulilem khan, ‘ale do cetʼ hoyokʼtalea?’ Enḍekhan onkom metakoa, ‘Probhu Isor do noa kathae meneda, ‘okoe mahamạri lạgitʼ kanko onko do mahamạrite, okoe tarwaṛe lạgitʼ kanko onko do tarwaṛete ar okoe akal lạgitʼ kanko onko do akalteko gujukʼa; ar okoe do bondi ocokʼ lạgitʼ kanko doko bondi idi ocokʼa.”

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.

Jirimiạ 23:12

Ona iạte onkoakʼ hor do leńjedokʼ reakʼ horge hoyakana; ńut doe laga baṛakoa ar onko do onḍegeko bhindạṛokʼa. Ar sạjại emako jokhecʼ iń do onko cetanre muhiniń paṛao ocoya.

Jirimiạ 25:35

Gukʼpiko do dạṛ reakʼ upạige baṅ tahentakoa; gupikoren mukhiyạko hõ okatehõ bako sen daṛeakʼa.

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 36:31

Iń do am ar amren hoponko ar amren kạmiyạkoakʼ behokakʼko iạteń sạjạipea; iń do ape upạrte okako muhin reakʼ kathań roṛakatʼ ona sanamakʼge ape cetanre, Jerusalemre ar Jihudạren hoṛko cetanreń paṛao ocoya, ente ape do ińakʼ katha bape ańjomletʼtińạ.’ ”

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Rak̕joṅ 2:22

Porob reakʼ dinre cetʼ leka hoṛkom jarwako onkage iń beṛhaete aema lekan botorakʼkom jarwa akada. Probhu Isorakʼ edre hilokʼ do cele hõ bako paskaokʼa ar celehõ bako sarejokʼa; iń do okoe joton ariń ạsul haraletʼko ińren bạiri do onkogeko marao akatʼkoa.

Jeheskel 14:3

“E manwa hopon, noko hoṛ do akoakʼ ontorre boṅga muṭhạnko bạisạu akawante kạire ńurokʼ lekan jinis ako samaṅreko dohoakada. Ona iạte iń ṭhen jãhãnakʼ reakʼko kulijoṅ khan onko do cetʼge bạń roṛ ruạṛakoa.

Jeheskel 7:5

Probhu Isor do nonkae meneda, “Muhin! Mitʼṭecʼ maraṅ muhinge hijukʼ kana!

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Mikạ 3:4

Okte darakana tinre ape do Probhu Isor ṭhenpe rakʼjoṅa, menkhan uni do bae roṛ ruạṛapea. Unre uni do ape secʼ khon acʼakʼ mẽtʼãhãe danaṅtaea, ente ape do bạṛicʼakʼpe kạmikana.

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.