Jirimiạ 11:10 - সান্তালী বাইবেল

¹⁰ Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jirimiạ 11:10 Iomraidhean Croise

Sereńko 78:57

Onkoren hapṛamko lekage ṭhik hor khon ocokʼkate onko doko behokkeda; onko do peṛta akʼ lekako konḍeayena.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jirimiạ 13:10

Noko bạṛicʼ jạtren hoṛko, okoe do ińakʼ katha ańjom bako moneyakʼkan ar onkoakʼ mon reakʼ kạṭhuạtetʼreko taṛametʼ ar eṭakʼ Isorko sewako arko ḍobokʼakokan onko do noa jhaṅga lekageko okạjwạ ocokʼa.

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.

Jirimiạ 22:9

Unre onkoko roṛ ruạṛa, ‘ona reakʼ karon do hoyokʼkana onko do Probhu Isorakʼ bondobosko bạgi akada ar debotakoko sewawako kan tahẽkana.’ ”

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Jirimiạ 44:5

Menkhan onko do bako luturada, ar bako hetaoada; ar onko do akoakʼ dusṭạmi khon bako ruạṛlena ar debotako ṭhen dhup jered hõ bako bạgiletʼa.

Jirimiạ 7:28

Onate onkom metakoa, ‘ape do onko jạtrenko kanape, okoe do Probhu Isorakʼ sana leka bako senlen ar uniye sudhrạuletʼkore hõ bako hetaoatʼtaea. Sạriyakʼ do cabayena; ar ona do onkoakʼ moca khon getʼ gidiyena.’ ”

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”

Jeheskel 16:59

“Amakʼ kạmi lekage am sãoteń beohara, ente ińakʼ bondobosem rạputʼ akatʼte ińakʼ kiriạwakʼem nihạ̃t giḍi akada.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Jeheskel 5:6

Menkhan onakoren do ińakʼ ạnko upạrte bebạṛicʼko ṭhok akada, boṅgan hoṛ jạtrenko khon bạ̃ṛtige dusṭạmiko kạmi akatʼte, ar ińakʼ ạriko upạrte beṛhaeteakʼ disạmkorenko khon bạ̃ṛtige; ente ińakʼ ạnkoko phesṛao giḍi akada ar ińakʼ ạrikore hõ bako taṛamakada.

Hosea 6:4

Probhu Isore meneda, “E Ephrayim, am do cetʼ iń cekawama? E Jihudạ, am hõ cetʼ iń cekawama? Amakʼ pạtiạr do setakʼ reakʼ kuṛhạ leka, aṅga marsalokʼ reakʼ sisir leka oka do usạrate chanokʼkan.

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Levitikus 26:15

ar ińakʼ niạmko bape hetawakʼ ar ińakʼ ạn-ạrikope nindạu ar ińakʼ hukumko bape senakʼte ińakʼ bondobospe rạpud,

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Ibriko 8:9

Misor disạm khon onkoren hapṛamko ti sapʼkateń oḍok ạguko jokhecʼ onko lạgitʼ oka bondobos iń doholetʼ tahẽkan, ona leka noa nãwã bondobos do baṅ hoyokʼa. Ińakʼ ona bondobos leka bako calaolente onko secʼ do bạń beṅgetʼ ruạṛeda.” Probhu Isor do noa kathae meneda.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Bikʼcạrko 2:17

Menkhan enhõ Israel hoponko do disạm cakʼlaokoakʼ katha bako luturakʼkan tahẽkana. Probhu Isor cetanre pạtiạu doho baṅkate debotako cetanre apnarko ṭehãḍokʼkan tahẽkana arko sewawako kan tahẽkana. Onkoren hapṛamko Probhu Isorakʼ oka horteko taṛametʼ tahẽkan ona hor khon thoṛa ghạṛicʼ khangeko ghańjeṛokʼ kan tahẽkana.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.