Jirimiạ 10:7 - সান্তালী বাইবেল

⁷ E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Jirimiạ 10:7 Iomraidhean Croise

2 Rapajko 17:39

bickom aperen Probhu Isorge dewa ar sewawaepe. Aperen sanam bạirikoakʼ ti khon unigeye bańcaopea.”

1 Bõsbudạ 16:25

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

Ester 1:13

Raj do ạn ar bicạrren gạkhuṛ hoṛko tulucʼ niạ babotreye sopolhawana.

Sereńko 147:5

Aboren Probhu Isor doe maraṅgea, ar uniyakʼ daṛe do ḍhergea; uniyakʼ bud ar akel reakʼ mucạtʼtetʼ do bạnukʼanaṅ.

Sereńko 22:28

Hẽ, rajosṭi do Probhu Isorakʼge hoyokʼma; ar sanam jạtrenko cetanren raj doe uni kangea.

Sereńko 47:3

Uni do eṭakʼ eṭakʼ jạtrenko abo gobolre, ar aboakʼ jaṅga latarreye dohoyetʼkoa.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Sereńko 89:6

Sermare nonkan cele menakʼkoa okoe do Probhu Isor sãoteye jurikokʼa? Serma goḍetko modre Probhu Isor soman do okoe menaea?

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Jirimiạ 10:6

E Probhu Isor, am leka do okoehõ bạnukʼkoa; am dom maraṅgea, ar amakʼ daṛe hõ maraṅgetama.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Daniel 2:27

Daniel do uniye metadea, “Maharaj oka bin baḍaeakʼ reaṅem kulikan ona do gonokko, muhnidarko ar Kaldiko celege bako lại daṛeakʼa;

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

1 Korinthiko 8:6

Enrehõ abo lạgitʼ do mitʼ goṭenge Isor menaea. Unige Baba do; ar uni ṭhen khonge jotowakʼ do hecʼakana ar uni lạgitʼge jiwetʼ menakʼ bona. Aboren Probhu Isor doe mitʼ goṭengea, uni do Probhu Mạsige. Uni hotetege jotowakʼ do hecʼakana ar uni hotetege jiwetʼ menakʼbona.

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”