Jirimiạ 10:3 - সান্তালী বাইবেল

³ Niạ reakʼ karon onkoakʼ dhorom cạl-colon do ạuṛiyakʼgetakoa. Onko do bir khon dareko makʼ ạguiyeda ar kạrigol do apnarakʼ tite baṭalite onare muṭhạnko benaoakʼkana.

Jirimiạ 10:3 Iomraidhean Croise

Sereńko 115:4

Onkoren boṅga murhutʼko do sona ar rupạte manwa tite benaoko kanako.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 2:5

Probhu Isore meneda, “Aperen hapṛamko do cetʼ ińakʼ dosko ńamletʼa, ar onate iń khonko sạṅgińlena? Onko do ạuṛiyakʼren boṅgako pańjaketʼkote apnartetʼ hõko ạuṛiyakʼena.

Levitikus 18:30

Ińakʼ hukumko senakʼpe ar onḍe seṭerkate lahaten hoṛko leka do alope colona. Ar noako kạmikate alope besapha ocokʼa. Ar iń kangeạń aperen Probhu Isor do.”

Mathae 6:7

“Apepe koejoṅre boṅgan hoṛ jạtrenko leka ạuṛiyakʼ do alope boktaokʼa. Ente onko doko hudisa, bạ̃ṛti katha roṛle khan Isor do koejoṅe ańjomtakoa.

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;