Jirimiạ 10:19 - সান্তালী বাইবেল

¹⁹ Hae, ińakʼ jokhom do! One okaṭakʼ do baṅ bogekʼtiń! Enhõ nijạteń menjoṅkana, “Noa do ińakʼ rog kana, noa do sahaotege hoyokʼtińạ.”

Jirimiạ 10:19 Iomraidhean Croise

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

Sereńko 77:10

Ińiń menkeda, “Noakangea ińakʼ duk do, maraṅ Isorakʼ jojomti hõ bodol akantaea.”

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jirimiạ 8:21

Ińren hoṛko lạbṛukʼente iń hõń lạbṛukʼ akana; iń doń homor halaṅetʼkana ar bạṛicʼ botor sapʼakadińạ.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Rak̕joṅ 3:48

Ińren hoṛ doko marao idikʼkana, onate ińakʼ mẽtʼdakʼ do gaḍa dakʼ leka ạtukʼ kantińạ.

Mikạ 7:9

Ńitokʼ do Probhu Isorakʼ edrele asen baṛayetʼkana, ente ale do uni upạrtele kại akada, menkhan mucạtʼre uni doe ale sejokʼa ar aleakʼ ạidạriye teṅgoalea. Uni do marsalteye oḍok ạgulea ar ale do uniyakʼ dhorom reakʼ bicạrle ńela.