Jirimiạ 10:13 - সান্তালী বাইবেল

¹³ Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoe koe oḍok ạguiyeda.

Jirimiạ 10:13 Iomraidhean Croise

1 Rapajko 18:41

Ona tayom Eliạ do Ahabe metadea, “Am do senkate jom ńũiyme, ente dakʼ reakʼ saḍe do botorge ańjomokʼ kana.”

Jobakʼ 38:22

“Am do cetʼ him reakʼ murạirem bolo akana se arel reakʼ murạikom ńel akada?

Sereńko 104:13

Amakʼ serma reakʼ tahen jaega khon am do buru boṭkocʼko cetanre dakʼem emokʼkana; amakʼ ona kạmi iạte dhạrti doe tirpitokʼ kana.

Sereńko 135:17

lutur menakʼgetakoa menkhan bako ańjom ńama, onkoakʼ mocare do cetʼ sãhetʼge bạnukʼtakoa.

Sereńko 135:7

Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Sereńko 147:8

Uni do rimilte sermae esetʼeda; ar dhạrti lạgitʼ dakʼe koleda ar burure ghãse janam ocoyeda.

Sereńko 18:13

Probhu Isor do serma khone huḍurkeda; ar maraṅ daṛeyicʼ do arel ar seṅgel aṅgrakore acʼakʼ aṛaṅe ańjom ocokeda.

Sereńko 68:33

Uni do sedaere rimil talate rãt gạḍiteye calakʼkan tahẽkana. Ańjompe, uni do murukteye meneda.

Exodus 9:23

Unre Mose do serma secʼ acʼakʼ ṭheṅgae tulkeda. Ar Probhu Isor do huḍur ar arele kolketʼte ńurokʼ ehopʼena ar ona sãote seṅgel ńurokʼ hõ ehopʼena. Nonkage Probhu Isor do Misor disạmre arele kolkeda.

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 19:12

Iń do niạ ṭhạ̃ire ar nonḍenko hoṛko lạgitʼ okań cekae ona do noage; noa nagraha do Tophet lekań hoeocoya;

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Jirimiạ 51:16

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoeye oḍok ạguiyeda.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Sakariạ 10:1

Niron din reakʼ dakʼ lạgitʼ Probhu Isor metaepe; unige dakʼ reakʼ rimilkoe benaoeda. Uni do hoṛe dakʼako kana ar sanamkoakʼ khetre phosole omon ocoyeda.