Jirimiạ 10:10 - সান্তালী বাইবেল

¹⁰ Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jirimiạ 10:10 Iomraidhean Croise

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

1 Rapajko 18:39

Noa ńelte sanam hoṛ do otre taberente ãṭ aṛaṅte hohoateko menkeda, “Probhu kangeae Isor do, Probhu kangeae Isor do.”

1 Rapajko 8:60

Nonkate dhạrtiren sanam jạtrenko baḍae daṛeakʼa, Probhugeye Isor kana mente ar uni chaḍa eṭakʼ cele Isorge bạnukʼkoa.

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

2 Bõsbudạ 15:3

Israelko do ḍher din hạbicʼ sạri Isor chaḍa, naeke chaḍa ar ạn-ạriko chaḍageko calakʼkan tahẽkana.

Jobakʼ 9:6

Acʼakʼ jaega khon pirthimi doe dal dalaoa, ona reakʼ khunṭikoe thar tharao ocoya.

Sereńko 10:16

Probhu Isorge jaejugren raj kanae; uniyakʼ disạm khon eṭakʼ jạtren doko maraokʼa.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Sereńko 104:32

Uni do dhạrti secʼe beṅgetʼ lekhan ona do thar tharaokʼa; uniyakʼ joṭetʼte buru boṭkocʼ khon dhũạ oḍokokʼa.

Sereńko 114:7

E dhạrti, Probhu Isor samaṅre, Jakobren Isor samaṅre thartharaokʼme.

Sereńko 145:13

Amakʼ rajosṭi do jaejug reakʼ rajosṭi kana; amakʼ ḍanṭao do piṛhi cetan piṛhige.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Sereńko 29:10

Probhu Isor do maraṅ ḍubạ dakʼre raj akane tahẽkana; uni do jaejugren raj kanae, uni do siṅghạsonre menaea.

Sereńko 31:5

Amakʼ tire ińakʼ jiwiń jimạyetʼtińạ, ente E Probhu, pạtiạranicʼ Isor, amgem chaḍao akadińạ.

Sereńko 42:2

Isor lạgitʼ, jiwetʼ Isor lạgitʼge ińakʼ jiwire tetaṅedeń kana; tinre iń do uni samaṅre senkateń teṅgona?

Sereńko 68:11

Probhu Isor do hoṛkoe hukumatʼkoa; ar bhage sombat lại jạhir maejiuko doko ḍhergea.

Sereńko 68:8

unre dhạrti do daldalao lena ar serma do dakʼe emlena. Noako do hoylena Isor samaṅre, Sinạiren uni Isor samaṅrege, Isor samaṅre, Israelkoren Isor samaṅre.

Sereńko 74:12

Enrehõ E Isor, ạd khonge am do ińren raj kanam; amge noa dhạrtire babańcao reakʼem kạmikana.

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Sereńko 76:8

Serma khon amakʼ bicạr reakʼem ańjom ocokeda; E Isor, am do bicạr lạgitʼgem beretʼena

Sereńko 77:18

Amakʼ huḍur reakʼ saḍe do birbãore ańjomena, amakʼ bijli reakʼ malkaote dhạrti doe marsalkeda; dhạrti do dal malaoena ar thar tharaoena.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Sereńko 9:8

Uni do dhoromte dhạrtirenkoe bicạrkoa, ar sanam jạtrenko hõ dhoromtegeye ḍanṭaokoa.

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Sereńko 93:2

Pạhil khonge amakʼ siṅghạson do teṅgo ṭarhao akana; ar am do jaejug khonge menama.

Sereńko 97:4

Uniyakʼ bijli reakʼ malkaote marsal lena; ona ńelte dhạrti do thar tharaoena.

Jesaea 37:17

E Probhu Isor, luturakʼ tińme baṛe; ar amakʼ mẽtʼ beṅgedtam, ńelme; Senakerib do jiwetʼ Isor henostawae lạgitʼ cetʼko kathae roṛ gotʼakada.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Jesaea 40:15

Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jirimiạ 23:36

Menkhan ape do tishõ jemon alope men, ‘Probhu Isorakʼ katha do noa kana,’ ente mimitʼ hoṛ do akoakʼ kathage Isorakʼ katha menteko benaoeda. Nonkate ape do jiwetʼ Isorakʼ, aperen phạdkoren Probhu Isorakʼ kathape konḍeayetʼkana.”

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jirimiạ 4:24

Buruko secʼ iń beṅgetʼkeda, onako do dal dalaokʼ kana; ar ḍuṅgriko do ḍikạ ḍakekʼ kana.

Jirimiạ 50:46

“Babel do dokhol akana.” Noa reakʼ saḍete dhạrti do dal dalaokʼa; ar jạt jạtrenko talare uniyakʼ rakʼ reakʼ aṛaṅ ańjomokʼa.

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Daniel 4:3

Uniyakʼ cinhạko do maraṅgea, uniyakʼ hahaṛa kạmiko do heṛan daṛeana! Uniyakʼ rajosṭi do jaejug reakʼ rajosṭi kana, ar uniyakʼ raj do piṛhi cetan piṛhige.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Daniel 6:27

Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Mikạ 1:4

Mom cetʼleka seṅgelre le cabakʼ, dharsãṛ ṭhạ̃ite cetʼleka dakʼ ạtukʼ pheḍokʼ onkage uniyakʼ jaṅga latar reakʼ buru-ḍuṅgriko do le cabakʼa, ar buru nalako do paṛagokʼa.

Nạhum 1:5

Maraṅ maraṅ buruko do uni samaṅre dal dalaokʼ kana ar huḍiń buruko do galaokʼkana. Uniyakʼ hạjirokʼre dhạrti ar onare tahen kan jotogeko thar tharokʼkana.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 5:26

Manwako modre okoe menaea, abo leka seṅgel tala khon jiwetʼ Isorakʼ aṛaṅ ańjomkate hõ jiwetʼ menaegea mente?

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

Ibriko 10:31

Jiwetʼ Isorakʼ tire paṛaokʼ do ạḍi botoranakʼ kangea.

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Bikʼcạrko 5:4

E Probhu Isor, am do tinre Seyir khonem mohnḍayena, Edom disạm khonem oḍokena, unre dhạrti do daldalaoena ar serma khon dakʼem jạṛi ocokeda.

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”