Jirimiạ 1:7 - সান্তালী বাইবেল

⁷ Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Jirimiạ 1:7 Iomraidhean Croise

1 Rapajko 22:14

Menkhan Mikại menkeda, “Jiwetʼ Probhu Isorre kiriạkateń meneda, Probhu Isor okaṭakʼ memene mitạń eken onageń roṛa.”

1 Rapajko 3:7

“E ińren Probhu Isor, ińren ạpuń Dạudakʼ jaegare ńitokʼ do amren guti rajem hoyoco akadea. Menkhan ińakʼ umer do komgea, onate bạń baḍaea cetʼ lekate ińakʼ dạyikiń palona.

2 Bõsbudạ 18:13

Menkhan Mika doe menkeda, “Jiwetʼ Isorre kiriạkateń meneda, ińren Isor okae roṛ ińhõ inạgeń roṛa.”

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 43:1

Probhu Isor do Jirimiạ okako katha hoṛko ṭhen lại jạhir lạgitʼe kollede ar tinre onako kathae lại mucạtʼkeda unre Hosaya hopon Asaria, Karea hopon Johanan ar sanam bạḍạiyan hoṛko do Jirimiạko metadea, “Am do eṛe katham roṛeda. ‘Misorte upriạ tahen lạgitʼ do alope calakʼa’ niạ katha roṛ lạgitʼ aleren Probhu Isor do bae kol akatʼmea.

Jirimiạ 7:27

“Am do noako katham galmaraoakore onko do amakʼ katha bako ańjomtama; arem hohoakore hõ onko do bako goṅama.

Jeheskel 2:7

Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Amos 7:15

Menkhan Probhu Isor do bhiḍi merom gukʼpi khone hoho ạgukedińteye metadińạ, ‘am do senkate ińren Israelko ṭhen nạbi lekate katha roṛme.’

Jona 3:2

Uni doe menkeda, “Am do ńitokʼ ona maraṅ nagraha Niniwite calakʼme ar oka sombatiń lạiyam onḍe senkate ona lại jạhirme.”

Numeri 22:20

Ona ńindạ Isor do hecʼkate Biliame galmaraoadea, “Noko hoṛ hõ hohoam lạgitʼko hecʼakana onate onko sãote calakʼme, menkhan iń okań metam eken onagem kạmiya.”

Numeri 22:38

Biliame roṛ ruạṛkeda, “Iń do ńitokʼ am ṭheniń hecʼakana. Menkhan iń apnarakʼ jãhãnakʼ roroṛ reakʼ daṛe do bạnukʼtińạ. Isor okaṭakʼe baḍae ocoyiń eken onageń roṛa.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Aposkạmi 20:27

ente Isor okae khojkan ona baḍae ocope do tishõ bạń pạc akana.