Jirimiạ 1:6 - সান্তালী বাইবেল

⁶ Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Jirimiạ 1:6 Iomraidhean Croise

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 6:12

Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”

Exodus 6:30

Menkhan Mose do Probhu Isore metade tahẽkana, “Pharao do ińakʼ katha bae luturakʼa, ente iń do hamal moca hoṛ kạnạń.?”

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jirimiạ 14:13

Onate iń doń menkeda, “Hae, Probhu Isor! Nạbiko doko meneda, ‘ape do lạṛhại bape ńela ar akaltehõ bape kosṭokʼa. Probhu Isor do sạrige niạ ṭhạ̃ire jaejug suluke danapea.’ ”

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 34:6

Unre Jirimiạ nạbi do Jerusalemre Jihudạ raj Sedekiạ onako kathae metadea.

Jirimiạ 4:10

Unreń menkeda, “Hae, hae! E Probhu Isor, noko hoṛko ar Jerusalemrenko do ạḍitetʼgem andha akatʼkoa ar nonkam roṛakada, ‘apeakʼ sulukge hoyokʼtapea,’ menkhan tarwaṛe do aleakʼ jiwi hạbicʼem ader akada.”

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.