Jirimiạ 1:2 - সান্তালী বাইবেল

² Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.

Jirimiạ 1:2 Iomraidhean Croise

1 Rapajko 13:2

Uni do Probhu Isorakʼ katha leka pinḍ upạrteye roṛ saḍekeda, “E pinḍ, E pinḍ, Probhu Isor do niạ kathae meneda, ‘Dạud bõsre Josiạ ńutuman mitʼṭen hopone janamokʼa. Ar usul than boṭkocʼkore okoe naekeko ńitokʼ am cetanre janwarko samaṅetʼko uni do onko naekeko am cetanreye samaṅkoa ar manwakoakʼ jaṅ hõe atar giḍikatakoa.’ ”

1 Rapajko 13:20

Unkin do unhõ ṭebil ṭhen kin duṛupʼ akan tahẽkanrege okoe do Isorren hoṛe ruạṛ ạgulede uni ṭhen Probhu Isorakʼ katha do sodorena.

2 Rapajko 21:18

Tayomte Manase do acʼren hapṛamko ṭhene senena ar uni do raj oṛakʼ reakʼ bagwanre, metakʼme Usakʼ bagwanreko topakadea. Ar uniyakʼ jaegare uniren hopon Amon do raje hoyena.

2 Rapajko 21:24

Menkhan okoe do Amon raj upạrteko soṛojontroletʼ disạmren hoṛko do onko jotoko gocʼketʼkoa ar uniren hopon Josiạ do uniyakʼ jaegareko rajkedea.

2 Rapajko 22:3

Josiạ rajakʼ rajokʼ gel irạlakʼ bochorre uni do Mesulamren goṛomtetʼ koṛa, metakʼme Asaliạ hopon rajren olokʼicʼ Saphan do niạ katha menkate Probhu Isorakʼ oṛakʼteye kolkedeteye metadea,

Jirimiạ 1:11

Ona tayom Probhu Isor doe kulikedeńạ, “E Jirimiạ, am do cetʼem ńeleda?” Ińiń roṛ ruạṛadea, “Iń do badam dare reakʼ mitʼṭen ḍạriń ńel ńameda.”

Jirimiạ 1:4

Probhu Isorakʼ katha do iń ṭhen hecʼena,

Jirimiạ 25:3

“Josiạren hopon Jihudạren raj Amonakʼ rajokʼ gelpe bochor khon ńit hạbicʼ, metakʼme noa bargel pe bochor Probhu Isorakʼ katha do iń ṭhen sodor akana ar iń do aema dhao onań lạiyakatʼpea, menkhan ape do bape lutur akawatʼtińạ.

Jirimiạ 28:12

Hananiạ arãṛe rạputʼletʼ thoṛa din tayom khange Probhu Isorakʼ katha do Jirimiạ ṭhen sodorena,

Jirimiạ 3:6

Josiạ rajakʼ rajokʼ oktere Probhu Isor do ińe metadińạ, “Bạṛicʼakʼ horteye sen akan Israel okae cekakan ona do cetʼem ńel akatʼgea? Uni do sanam usul buruko cetanre ar hạṛiạr dare buṭạkore senkateye laṭghaṭ akada.

Jirimiạ 36:2

“Am do guṛhạ akatʼ mitʼṭecʼ puthi hataome ar Josiạwakʼ rajokʼ okte khon ehopʼkate teheń hạbicʼ Israel, Jihudạ ar eṭakʼ eṭakʼ jạtrenko reaṅ okaṭakʼ kathań lạiyatʼme tahẽkan onako joto do onare olme.

Hosea 1:1

Jihudạren raj Usiạ, Jotham, Ahas ar Hiskiạwakʼ rajokʼ oktere ar Israel raj Joasren hopon Jerobiamakʼ oktere Beriren hopon Hosea ṭhen Probhu Isorakʼ katha do sodorena.

Joel 1:1

Pethuel hopon Joel ṭhen Probhu Isorakʼ katha do sodorlena.

Jona 1:1

Probhu Isorakʼ noa katha do Amitạiren hopon Jona ṭhen sodorena, “Am do ona maraṅ nagraha Niniwite senokʼme ar ona upạrte porcarme, ente hoṛkoakʼ bạṛicʼakʼ iń ńel ńametʼ kana.”

Mikạ 1:1

Jihudạren raj Jothom, Ahos ar Hiskiạwakʼ rajokʼ oktere Moresethren Mikạ ṭhen Samariạ ar Jerusalem reaṅ Probhu Isorakʼ katha do dorson hotete sodorlena.

Sephaniạ 1:1

Amonren hopon Jihudạren raj Josiạwakʼ rajokʼ jokhecʼ Kusren hopon Sephaniạ ṭhen Probhu Isorakʼ katha do sodorena. Kus do Gedaliạren hopon, ar Gedaliạ do Amariren hopon, ar Amari do Hiskiạren hopone tahẽkana.