Jirimiạ 1:18 - সান্তালী বাইবেল

¹⁸ Am do teheń mitʼṭecʼ daṛeanakʼ nagraha leka, mitʼṭecʼ mẽṛhẽtʼ khunṭi leka ar mitʼṭecʼ pitạl reakʼ bhit lekań hoyocoketʼmea jemon goṭa disạm upạrte, metakʼme Jihudạren rapajko, cetan hudạren kạmiyạko, naekeko ar disạmren hoṛko upạrtem teṅgo daṛeakʼ.

Jirimiạ 1:18 Iomraidhean Croise

Jesaea 50:7

Probhu Isore goṛowạńte iń do bạń opomanokʼa. Onate ińakʼ mẽtʼãhã do cok moki dhiri lekae hoyocoakatʼtińạ, ariń baḍaea, iń do bạń lajao ocokʼa.

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Jirimiạ 1:19

Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”

Jirimiạ 15:10

Hae, hae! E eṅgạńtiń, cedakʼ iń dom janamkedińa, one okoe sãote goṭa disạm do jhogṛa are lạṛhạikan? Okoehõ rin do bạń emakatʼkoa se okoehõ iń do rin bako emakawạdińa, enhõ sanamkoge iń doko sarapạńkana.

Jirimiạ 15:20

Noko hoṛ ṭhen do pitạl reakʼ mitʼṭecʼ daṛeanakʼ pạcri lekań hoyocomea; onko do am upạrteko lạṛhạiya menkhan bako bhagao daṛeama, ente iń Probhu Isorgeń metamkana, am rukhiyạme ar bańcaome lạgitʼ iń do am são sãoteń tahena.

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 21:4

Israelren Probhu Isor do niạ kathae meneda, ‘Babelren raj ar okoe Babelrenko do pạcri bahreteko gherao esetʼ akatʼme onko upạrte lạṛhại lạgitʼ amakʼ tire okako khanḍa bhanḍa menakʼ onako doń ạcur ruạṛtapea ar nagraha talareń samṭao jarwaea.

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

Jirimiạ 34:3

Ar uniyakʼ ti khon do bam rukhiyạ daṛeakʼa; am do khạṭige sapʼkate uniyakʼ tireko soprotmea; ar apnar mẽtʼte Babelren rajem ńelea; uni do am samaṅre kathae roṛa, ar am do Babeltem calakʼa.

Jirimiạ 38:18

Menkhan Babel rajren subedar ṭhen bhagao ocokʼ reakʼ bam aṅgoc enḍekhan noa nagraha do Babelrenkoakʼ tire soprotokʼa ar onko do seṅgelte noako ḍahao maraoa; ar amhõ onkoakʼ ti khon rukhiyạ do bam ńama.’ ”

Jirimiạ 38:2

Jirimiạ doe menetʼ tahẽkana, “Probhu Isor do noa kathae meneda, ‘jãhãege noa nagrahareye tahen uni do lạṛhại talate ar baṅkhan akalte ar baṅkhan mahamạriteye gujukʼa, menkhan okoe Babelrenko ṭhene calakʼ uni do bae gujukʼa. Uni do jãhãlekate acʼakʼ jiwiye rukhiyạitaea.

Jirimiạ 42:22

Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Jirimiạ 6:27

Probhu Isore meneda, “Am do hoṛkoren biḍạu aṭkaricʼ iń doho akatʼmea jemon onkom biḍạu aṭkar daṛeakote onkoakʼ horkom ńel daṛeakʼ.

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼadeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.