Jirimiạ 1:17 - সান্তালী বাইবেল

¹⁷ “Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Jirimiạ 1:17 Iomraidhean Croise

1 Rapajko 18:46

Unre Probhu Isorakʼ daṛe do Eliạ cetanre hecʼena. Uni do acʼakʼ kicricʼko ḍanḍareye rebetʼketʼte Ahab lahate Jesreyelteye ńir calaoena.

2 Rapajko 1:15

Unre Probhu Isorren goḍet do Eliại metadea, “Uni sãote pheḍ calakʼme, ar alom botoraea.” Onate Eliạ do uni sãote pheḍkate raj ṭhene senena.

2 Rapajko 4:29

Unre Elisae do Gehosiye metadea, “Am do paṭhe keṭejokʼme ar ińakʼ ṭheṅga hataokate ńir calakʼme. Ar jãhãe sãotem ńapam emanlen khan unim joharaea ar jãhãege ame joharam khan alom roṛ ruạṛaea. Ińakʼ ṭheṅga do gidrạwakʼ mẽtʼãhãrem dohoya.”

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.

Jobakʼ 38:3

Am do herel leka ḍanḍa paṭheytam; iń do amiń kulimea arem roṛ ruạṛạńạ.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Exodus 7:2

Ar okaṭakʼ hukumiń emamkan ona do sanamakʼem sodora. Amren dadam Aron do Pharaoe metaea, jemon acʼakʼ disạm khon Israelkoe sen ocoako.

Jirimiạ 1:18

Am do teheń mitʼṭecʼ daṛeanakʼ nagraha leka, mitʼṭecʼ mẽṛhẽtʼ khunṭi leka ar mitʼṭecʼ pitạl reakʼ bhit lekań hoyocoketʼmea jemon goṭa disạm upạrte, metakʼme Jihudạren rapajko, cetan hudạren kạmiyạko, naekeko ar disạmren hoṛko upạrtem teṅgo daṛeakʼ.

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jirimiạ 26:12

Unre Jirimiạ do sanam hoṛko ar rajkạmiyạkoe metatʼkoa, “Ape do niạ oṛakʼ ar nagraha upạrte okape ańjomketʼ ona lạlại lạgitʼge Probhu Isor do ińe kol akadińa.

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 36:8

Jirimiạ do Neriạren hopon Baruk oka kạmi reakʼ kathae metade tahẽkan uni do jotogeye kạmikeda; uni do Probhu Isorakʼ oṛakʼre ona puthi khone paṛhao ańjomatʼkoa.

Rak̕joṅ 3:57

Amiń hohoatʼme tahẽkanre am do sorregem ńamena, Arem metadińạ, “Alom botorokʼa. ”

Jona 3:2

Uni doe menkeda, “Am do ńitokʼ ona maraṅ nagraha Niniwite calakʼme ar oka sombatiń lạiyam onḍe senkate ona lại jạhirme.”

Luk 12:35

“Ape do ḍanḍare kicricʼ paṭhe akatʼ ar diuhe do jol akae tahentape ma.

Aposkạmi 20:20

Apeakʼ okaṭakʼte porhoanakʼ hoyokʼ nonkan jãhãnakʼge ape baḍae ocope lạgitʼ do bạń pạclena, bickom bahrere sodorte apeakʼ oṛakʼreń cetʼakawatʼpea ariń porcar akada.

Aposkạmi 20:27

ente Isor okae khojkan ona baḍae ocope do tishõ bạń pạc akana.

1 Korinthiko 9:16

Iń do bhage sombatgeń porca akada, enrehõ onate sarhaokʼ reakʼ cetʼge bạnukʼtińạ, ente ona do kạmi lagaoạńgea. Bhage sombat bạń porcarle khan ińre do hae hae!

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

1 Patras 1:13

Onate monre paṭhe keṭejokʼpe ar apnarte sambṛaokʼpe. Jisu Mạsiye sodorokʼre okaṭakʼ bhorpe ńam, ona lạgitʼ purạpuri as dohoyte koyokʼ hor akae tahenpe.