Jirimiạ 1:16 - সান্তালী বাইবেল

¹⁶ Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 1:16 Iomraidhean Croise

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 28:2

Uni do Israelren rajko lekageye calakʼkan tahẽkana ar Bakʼal debota sewawae lạgitʼ chańcre dulakʼ muṭhạne benao ocoleda.

2 Bõsbudạ 34:25

Onko do ińko bạgi giḍi akadińạ ar debotako ńutumte dhupko jeretʼetʼ kana ar onkoakʼ titeko benao akatʼko sanam boṅga murhutʼkote ińko khĩs ocoyediń kana. Ona iạte niạ jaega cetanre ińakʼ edre doń paṛao ocoygea ar ińakʼ edre seṅgel do baṅge ĩṛĩjokʼa.

2 Bõsbudạ 7:19

“Menkhan ińakʼ hor khonpe pharakokʼ ar okako niạm ar hukumkoń emakawatʼpe onape bạgiyakʼte debotakope sewawako arpe ḍobokʼako,

Jesaea 2:8

Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana.

Jesaea 44:15

Tayomte ona do manwako lạgitʼ sahan hoyokʼkana. Uni do thoṛa hataokateye jorokʼ kana, arhõ onate piṭhạ hõe rapakʼeda, arhõ mitʼṭen deb benaokateye sewawakʼ kana, arhõ goṛhon muṭhạne benaoeda ar ona samaṅreye ombagokʼ kana.

Jesaea 65:3

Onko hoṛ do ạuṛiyakʼteko ạṛis ocoyediń kana; onko do bagwankore samaṅokʼakʼko samaṅeda ar iṭạkore dhupko jeretʼeda.

Jirimiạ 10:15

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Jirimiạ 10:3

Niạ reakʼ karon onkoakʼ dhorom cạl-colon do ạuṛiyakʼgetakoa. Onko do bir khon dareko makʼ ạguiyeda ar kạrigol do apnarakʼ tite baṭalite onare muṭhạnko benaoakʼkana.

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.

Jirimiạ 11:17

Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 16:11

Unre am do onkom metakoa, Probhu Isore meneda, ‘noa reakʼ karon do hoyokʼ kana aperen hapṛamko do ińko bạgi giḍi akadińa ar debotako pańja akatʼkote onkoko sewa akatʼkoa. Onko doko bạgi giḍi akadińa ar ińakʼ ạn-ạriko bebatao akada.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 19:4

Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jirimiạ 4:12

Ińakʼ hukumgete hijukʼkana ar ona hoe reakʼ daṛe do ḍhergea. Ar iń do nonkage onko upạrte ińakʼ bicạr iń jạhira.”

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Jirimiạ 44:17

Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Jirimiạ 5:29

Onate cetʼ onko do bạń sạjạikoa? Iń do cetʼ nonkan jạtrenko cetanre bạń halaea? Iń Probhu Isorge noa katha doń meneda.

Jirimiạ 5:9

Iń Probhu Isorgeń kulikana, niạ iạte onko do cetʼ bạń sạjạikoa? Nonkan jạtrenko upạrte iń do cetʼ bạń hala hạliya?

Jirimiạ 51:17

Sanam manwage bin ạkilan ar bebuj kanako; mimitʼ sonhar do akoren boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 7:17

Am do cetʼ bam ńeńelkana Jihudạ reakʼ nagrahakore ar Jerusalem reakʼ kulhikore onko do cetʼko ceka kana mente?

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jeheskel 16:18

Am do likhon goṛhon kicricʼkom horokʼetʼ tahẽkana ar onko boṅga samaṅre ińakʼ sunum ar dhupem jeretʼetʼ tahẽkana.

Jeheskel 24:14

Ińakʼ kạmi reakʼ okte do seṭerakana. Iń do onań onkaegea, bạń mãyãkʼa se bạń dayakʼa. Amakʼ colon ar amakʼ kạmi lekagem bicạr ocokʼa. Iń Probhu Isorge noa katha doń meneda.’ ”

Hosea 11:2

Mekhan Israel tinạkʼ iń hohowade unạkʼge uni do iń ṭhen khon sạṅgińteye ocokʼ calaoena. Uniren hoṛko do Bakʼal debota ṭhen janwar dãṛẽko samaṅketʼkoa ar boṅga murhutʼko ṭhen dhup jeretʼko ehopʼena.

Hosea 8:6

Israelren hoṛge uni mĩhũ doko benao akadea. Mitʼṭen kạrigolge uni doe benao akadea; onate uni do Isor doe baṅkana. Samariạren uni mĩhũ hopon doe rạputʼ gejer ocokʼa.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Aposkạmi 7:41

Unre onko do mitʼṭen mĩhũ muṭhạn leka boṅgako benaoana. Ar ona muṭhạn ṭhen janwar dãṛẽko samaṅkeda ar akoakʼ titeko tearakatʼ kạmiko iạte onko doko hesecʼ sekrecʼena.

Dosar Biboron 28:20

“Bạṛicʼakʼko kạmi iạte Probhu Isor do apeakʼ sanam kạmireye sarap apea, uni do ḍamaḍol ar nisṛạuge apereye kola, ar onatepe heṛ idikʼa ar thoṛa okte khangepe marao utạrokʼa.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.