Jesaea 9:3 - সান্তালী বাইবেল

³ Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Jesaea 9:3 Iomraidhean Croise

Nehemiạ 9:23

Sermaren ipilko leka onko do alekha hoponkom ematʼkoa ar okaṭakʼ disạmte bolokate ona ạidạri reakʼ katha onkoren hapṛamkom metatʼko tahẽkan ona disạmtem aderketʼkoa.

Jobakʼ 12:23

Uni do jạtrenkoe maraṅetʼkoa arhõe maraokoa, onkoe baḍhao ocokoa arhõe bondi ocokoa.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.

Sereńko 119:162

Lạṛhạire ńamakʼ jiniskote hoṛko cetʼlekako rạskạkʼ, onkage amakʼ gokʼakʼ lạgitʼ iń doń rạskạkʼ kana.

Sereńko 4:7

Ḍher phosol ar nãwã darkha rasa rakapʼlenre cetʼ leka hoṛkoko rạskạkʼ, ona khon ḍher rạskạte am do ińakʼ ontorem perecʼ akada.

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 14:5

Probhu Isor do bedhoromkoakʼ ṭheṅgae rạputʼakada. Ar mạliki cakʼlaoko reakʼ mutạk hõ.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 26:15

E Probhu Isor, am do onko jạtrenkom baḍhao akatʼkoa; ar onko jạtrenkom baḍhao akatʼkote sarhaoem ńamakada; am do disạm reakʼ sanam simạkom phaelao akada.

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 61:7

Ińren hoṛko do lajao bodolte sompotti reakʼ dobṛa hĩsko ńama, ar bemanot bodolte do dhonteko hulạsokʼa. Onkoakʼ disạmre dobṛa hĩsko ńama ar jaejugko rạskạkʼa.

Jesaea 65:14

Ontorre rạskạ iạte ińren golamko doko sereńjoṅa, menkhan ape do mon reakʼ jalatepe raga ar rạputʼ ontor iạtepe hae haeyokʼa.

Jesaea 65:18

Iń okań sirjạuetʼkan ona ńutumte jaejug kusi akanpe tahena arpe rạskạkʼa, ente Jerusalem do mitʼṭecʼ rạskạ reakʼ ar uniren hoṛkoakʼ kusi reakʼ jinis lekań sirjạuea.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.

Jirimiạ 31:7

Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Hosea 4:7

“Naekeko tinạkʼko saṅge idikʼkan unạkʼge onko do iń upạrteko kạiyeda, ona iạte onko do manot bodolteń bemanotkoa.

Levitikus 26:13

Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

Sakariạ 10:8

Iń do gol golteń hohoea ar mitʼ domteń jarwakoa. Onko doń chaḍaokoa ar lahate leka lekhare ḍherko hoyokʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Luk 11:22

Menkhan uni khon ḍher daṛeanicʼ jãhãe hecʼkate uniye bhagao lekhan enḍekhan okako khanḍa bhanḍareye bhorsakʼkan tahẽkan, onakoe recʼ ocokʼa ar uni eṭakʼ hoṛ do luṭakʼ jiniskoe hạṭińtaea.

Aposkạmi 8:8

Onate ona nagraharen hoṛ do ạḍiko rạskạyena.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Bikʼcạrko 5:3

E rapajko, ańjompe baṛe; E disạm cakʼlaoko, luturakʼpe; iń do Probhu Isor ńutumteń sereńa, Israelkoren Probhu Isor ńutumteń sarhao sereńa.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Bikʼcạrko 8:12

Sebah ar Salmuna ńutuman Midiạnren unkin banar raj dokin dạṛkeda. Menkhan Gideon do unkine khudạu idiketʼkinteye sapʼketʼkinạ, ar onkoren goṭa lạṛhại phạdko do Gideon iạte ạḍi botor caṛhaoatʼkoa.

1 Samuel 30:16

Uni do onko ṭhen Dạude idikedea. Unre onko do ṭạnḍire hanḍe nanḍeko pasnao akan, jojom arko ńũńũkan, ar bubulakʼ ńũkateko enecʼ sereń joṅkan tahẽkana, ente Philisṭikoakʼ disạm ar Jihudạkoakʼ ṭoṭha khon onko do ḍher jinisko luṭ ạguakatʼ tahẽkana.