Jesaea 9:2 - সান্তালী বাইবেল

² Okoeko hoṛ do ńutreko tahenkan onko do maraṅ marsalko ńela; ar okoe kaṛaṅ ńut reakʼ umulreko duṛupʼ akan onko do marsal bamberakoa.

Jesaea 9:2 Iomraidhean Croise

Jobakʼ 10:21

Iń do usạrage ńut ar moron dhund disạmteń calakʼa; ar tishõ bạń ruạṛ hijukʼa.

Sereńko 107:10

Onko do ńutre, kaṛaṅ ńutreko duṛupʼ akan tahẽkana, ar bondi akanko do dukte ar mẽṛhẽtʼ reakʼ sikṛiteko kosṭokʼkan tahẽkana;

Sereńko 107:14

Ńut, ar kaṛaṅ ńut khon uni doe oḍokketʼkoa; uni do onkoakʼ sikṛiye rạputʼgiḍikatʼtakoa.

Sereńko 23:4

Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.

Sereńko 4:8

E Probhu Isor, amge bin botortem doho akadińạ, onate iń do sulukteń jạpida.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jesaea 60:19

Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Jesaea 9:1

Menkhan lahate okoe do gạr ar muhinreko tahẽkan onko do ńutre ar bako tahena. Lahateakʼ dinkore Isor do Sebulon ar Napthali ṭoṭhae copotʼ ocoleda, menkhan tayom daram dinkore jalapuri aṛeteakʼ hor khon ehopʼkate Jordan gaḍa purub aṛe reakʼ ṭoṭha boṅgan hoṛ jạtrenkoakʼ Gạlil hạbicʼe manot ocoya.

Amos 5:8

Okoe do soren-ipilko ar arãṛ lalakʼ ipilkoe benao akatʼko, ar okoe do ńute marsal ocoyetʼkan ar siń doe ńut ocoyetʼkan, okoe do jalapuri reakʼ dakʼe hoho ạguiyetʼte pirthimi cetanreye dul bubhạuetʼ, uniyakʼ ńutum do Probhu Isor kangea.

Mathae 4:16

ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut reakʼ umulreko duṛupʼ akan, onko do marsal bamberakoa.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 12:46

Iń do noa dhạrtire marsal lekań hecʼakana, jemon ińre okoeye pạtiạukʼ uni do ńutre aloe tahen.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Bikʼcạrko 5:30

“Khạṭige onko do luṭakʼ jinisko ńamakada ar ako talareko hạṭiń joṅkana; mimitʼ herel hoṛ lạgitʼ mitʼṭen se barea kuṛi ar Sisera lạgitʼ do nana parkan kicricʼ, tiń galaṅakʼ kicricʼko, hoṭokʼ beṛhaeteakʼ baha galaṅakatʼ kicricʼko noa sanamakʼge cetʼ bako luṭ akada?”