Jesaea 9:16 - সান্তালী বাইবেল

¹⁶ Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jesaea 9:16 Iomraidhean Croise

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Jesaea 19:14

Probhu Isor do onko talare ạulạ jhạulại hoyocoakada, onate bubulicʼ cetʼleka acʼakʼ becʼ cetanreye konḍe manḍekʼkan onkage onko do jotowakʼ kạmire Misorko konḍe manḍe ocoyedea.

Jesaea 3:12

Okoe ińren hoṛko santaoetʼko onko do gidrạko leka, ar okoe onkoko ḍanṭaoetʼko onko do maejiuko leka. E ińren hoṛko, aperen hor udukʼ hoṛkoge bạṛicʼ secʼko idiyetʼpea; onko do ṭhik hor khon bhul horteko idiyetʼpea.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 23:13

“Samariạren nạbiko talare iń do niạkoń ńel akada, onko do Bakʼal debota ńutumte nạbi lekate katha roṛkate ińren Israel hoṛko bạṛicʼ horteko idiakatʼkoa.

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Ibriko 7:7

Noare jãhãn digdhạ bạnukʼa je, bhor ataṅicʼ khon bhor emokʼicʼgeye maraṅa mente.