Jesaea 8:8 - সান্তালী বাইবেল

⁸ ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Jesaea 8:8 Iomraidhean Croise

2 Rapajko 17:3

Asurren raj Salmaneser do Hosea akromone lạgitʼe rakapʼ hecʼena. Ar onate Hosea do Salmaneser taberen raje hoyena ar uni khajna emaye ehopʼena.

2 Bõsbudạ 12:4

Uni do Jihudạ reakʼ pạcrite esetʼ nagrahakoe ạidạriante Jerusalem hạbicʼe hecʼena.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jesaea 7:17

Jihudạ ar Ephrayimakʼ begarokʼ din hilokʼ khon oka tisge baṅ hoyakan, Probhu Isor do am ar amren hoṛko ar amren apatakʼ bõsren hoṛko cetanre ona lekan mitʼṭen okteye ạguiya. Ar unre uni do Ạsurren raje ạguiyea.”

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Jirimiạ 47:2

“Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 48:40

Probhu Isore meneda, “Ńelpe, mitʼṭen hoṛ do pajhaṛ cẽṛẽ lekae ạphir hijukʼkana ar Moab upạrte acʼakʼ phạ̃kṛạ̃kʼe lap lapa akatʼtaea.

Jirimiạ 51:42

Babel cetanre jalapuri do rakapʼ hijukʼa, uniyakʼ haḍak ḍabak ḍheoko do uniye unumea.

Jeheskel 17:3

Probhu Isore meneda, ‘Roṅ beroṅ jhạl jhạl ilte perecʼ phạ̃kṛạ̃kʼante mitʼṭen maraṅ okocʼ pajhaṛ do Lebanonre hecʼkateye apʼena. Ar onḍenakʼ mitʼṭecʼ debdạru dare reakʼ coṭ utạr ḍạr reakʼ bale ḍoge ṭuṅgạcʼketʼte beparikoakʼ disạmte idikate beparikoakʼ nagrahareye rohoekeda.

Jeheskel 26:19

“E Tur, iń Probhu Isorge tinre ujạṛakʼ nagraha lekań hoyocomea one okare celege bako girobasokʼ kan, ar doreão reakʼ dakʼ tinre am cetanreń ạguiya ar ona do ame dapal esetʼmea,

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Mikạ 5:5

Uni do suluke ạguiya. Ạsurrenko tinre aboakʼ disạmko akromona ar aboakʼ gaṛ do jaṅgateko lebetʼ gasmanḍaoa unre uni upạrte abo do eae goṭen gukʼpiko, hẽ, irạl goṭen mukhiyạge bon teṅgokoa.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.