Jesaea 8:7 - সান্তালী বাইবেল

⁷ Ona iạte Probhu Isor do Phurạt gaḍa reakʼ ḍubạ dakʼ leka jotowakʼ ṭhonok salakʼ Ạsurren raj do usạrage onko upạrteye ạguiyea. Ona ḍubạ dakʼ do gaḍa ar nala reakʼ jotowakʼe ạtu idiya,

Jesaea 8:7 Iomraidhean Croise

Genesis 6:17

Iń do dhạrtire mitʼṭecʼ ḍubạ dakʼ iń ạguya jemon serma latarre tinạkʼ do sahẽtʼetʼkan jiwiyanko menakʼko onko joto doń ḍahao maraokoa. Onate dhạrtiren sanam manwako doko marao utạrokʼa.

2 Rapajko 19:32

“Ona iạte Ạsurren raj reaṅ Probhu Isor do niạ kathae meneda, ‘Uni do niạ nagrahate bae bolokʼa se nonḍe do mitʼṭecʼ sar hõ bae aṛaga. Ar ḍhalante niạ samaṅte bae hijukʼa se gherao esetʼkate dejokʼ ar pheḍokʼ lạgitʼ jãhãnakʼge bae benaojoṅa.

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Sereńko 72:8

Uniyakʼ rajosṭi reakʼ simạ do mitʼ jalapuri khon eṭakʼ jalapuri hạbicʼ, Uphreṭis gaḍa khon dhạrti reakʼ mucạtʼ hạbicʼ.

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jesaea 28:17

Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 7:17

Jihudạ ar Ephrayimakʼ begarokʼ din hilokʼ khon oka tisge baṅ hoyakan, Probhu Isor do am ar amren hoṛko ar amren apatakʼ bõsren hoṛko cetanre ona lekan mitʼṭen okteye ạguiya. Ar unre uni do Ạsurren raje ạguiyea.”

Jesaea 7:20

Enhilokʼ Probhu Isor do apeakʼ bohokʼ reakʼ upʼ, jaṅga reakʼ upʼ ar gocoko hoyo ocoytape lạgitʼ Phurạt gaḍa hanasa khon mitʼṭecʼ holatʼ, metakʼme Ạsur raje bhaṛa ạguiyea.

Jirimiạ 47:2

“Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 51:42

Babel cetanre jalapuri do rakapʼ hijukʼa, uniyakʼ haḍak ḍabak ḍheoko do uniye unumea.

Jeheskel 26:19

“E Tur, iń Probhu Isorge tinre ujạṛakʼ nagraha lekań hoyocomea one okare celege bako girobasokʼ kan, ar doreão reakʼ dakʼ tinre am cetanreń ạguiya ar ona do ame dapal esetʼmea,

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Amos 9:5

Phạdkoren Probhu Isor do dhạrtiye joṭetʼ lekhan ona do le cabakʼa ar onare girobasokʼ kan sanamgeko homor halaṅa. Uniyakʼ joṭetʼte goṭa dhạrtige Misor reakʼ nil gaḍa dakʼ leka se rakabokʼa ar ona tayom do pheḍ calakʼa.

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

Mikạ 5:5

Uni do suluke ạguiya. Ạsurrenko tinre aboakʼ disạmko akromona ar aboakʼ gaṛ do jaṅgateko lebetʼ gasmanḍaoa unre uni upạrte abo do eae goṭen gukʼpiko, hẽ, irạl goṭen mukhiyạge bon teṅgokoa.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Luk 6:48

Uni do nonkan mitʼṭen hoṛ lekanae, one okoe do oṛakʼe benao lạgitʼ khạndri macha la kate dhiri cetanre rehetʼe bạisạuketʼ. Ado banbạsi ar ạtukʼ dakʼko hecʼena ar ona oṛakʼre bajaoena, menkhan oṛakʼ do baṅ cekalena, ente ona do kajakte benao akan tahẽkana.

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.