Jesaea 8:17 - সান্তালী বাইবেল

¹⁷ Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Jesaea 8:17 Iomraidhean Croise

Genesis 49:18

“E Probhu Isor, am do unim rukhiyạyea ar ona ńelhor lạgitʼge iń do minạńa.

Jobakʼ 13:24

Cedakʼ mẽtʼãhã dom danaṅ akatʼtama ar bạiri mentem hudis edeńkana?

Jobakʼ 14:14

Manwa gujukʼ tayom do cetʼ arhõe jiwetʼ ruạṛokʼa? Are onkae khan, ińakʼ khaṭaokʼ reakʼ sanam dinkore nãwã arokʼ lạgitʼ ńel hor akae iń tahena, kạmi khon khalasokʼ din ạuri seṭerokʼ hạbicʼ.

Jobakʼ 35:14

Am dom meneda, uni bam ńel ńame kana, amakʼ mambla do uni samaṅrege menakʼa, ar ona reakʼ bicạr lạgitʼem ńel hohorkana.

Sereńko 130:5

Iń do Probhu Isor koyokʼ horre minạńa, ińakʼ ontor do uni koyokʼ horre menakʼa. Iń do uniyakʼ kathare asiń dohoakada.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Sereńko 33:20

Abo do Probhu Isor lạgitʼge bon ńel horeda; uni kangea aboren goṛoyicʼ ar ḍhal do.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

Sereńko 39:7

“E Probhu Isor, enḍekhan iń do ar cetʼ reakʼ asteń tahena? Ińakʼ as joṅakʼ ma jotoge coṅ amrege.

Sereńko 40:1

Iń do Probhu Isor lạgitʼgeń koyokʼ horakatʼ tahẽkana. Uni do ińakʼe luturada, ar koejoṅe ańjomketʼtińạ.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 26:8

Hẽ, Probhu Isor, ale do amakʼ dhorom hortele taṛametʼkante am koyokʼ horre menakʼlea; aleakʼ khojokʼakʼ do amakʼ kạmi hotete sodorokʼme baṛe.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 45:15

E Israelren Isor ar babańcaoicʼ, sạrige am do nonkan Isor kanam okoe do danaṅrem tahenkan.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jesaea 54:8

Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jesaea 59:2

Menkhan apeakʼ kạige aperen Probhu Isor ṭhen khone begar akatʼpea. Apeakʼ ghạṭ iạtege uni doe dea giḍiakatʼpea; ar onatege bae ańjometʼtapea.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Hosea 12:6

Ńitokʼ do E Jakob bõsren hoṛko, aperen Isor ṭhen ruạṛ hijukʼpe; pạtiạranko hoyokʼpe, dhorom reakʼ bicạrpe ar sanam ghuṛi aperen Isor lạgitʼ koyokʼ horre tahenpe.

Mikạ 3:4

Okte darakana tinre ape do Probhu Isor ṭhenpe rakʼjoṅa, menkhan uni do bae roṛ ruạṛapea. Unre uni do ape secʼ khon acʼakʼ mẽtʼãhãe danaṅtaea, ente ape do bạṛicʼakʼpe kạmikana.

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Luk 2:38

Uni hõ unre hecʼkate Isore gun manao joharadea, ar Jerusalem reakʼ chaḍaokʼko ńel hohorkan sanam hoṛko uni gidrạ reaṅ lạiyakoe ehopʼena.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Dosar Biboron 32:20

Uni doe menkeda, “Iń do onko khon ińakʼ mẽtʼãhãń danaṅtińạ, ar sesre cetʼ hoyokʼtako onań ńela; ente onko do peṛta pirthimi ar bin pạtiạran hoponko kanako.

1 Thessalonikikko 1:10

serma khon uniren Hoponakʼ hijukʼpe ńel hor akae tahen. Uni Hopongeye hoyokʼ kana Jisu Mạsi, one okoe do gocʼko khone jiwetʼ beretʼkede. Ar Isorakʼ oka sạjại pheḍ hijukʼkan ona sạjại khon uni Jisuge abo doe rukhiyạ bona.

2 Thessalonikiko 3:5

Probhu Isor do apeakʼ ontor Isorakʼ dulạṛ horte ar Mạsiyakʼ sombhuri horteye ạyur iditapema.

Ibriko 2:13

Jisu do arhõe meneda, “Iń do Isor cetanre bhorsa akaniń tahena.” Ar mitʼ jaegare uni doe meneda, “Nokʼõe ńelme, iń ar onko hoponko one okoeko do Isore emakawạdiń.”

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.