Jesaea 8:13 - সান্তালী বাইবেল

¹³ Phạdkoren Probhu Isor do sonot mente hudisepe; unige botoraepe; ar unige botoranicʼ mente hudisepe.

Jesaea 8:13 Iomraidhean Croise

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Exodus 20:20

Unre Mose do hoṛkoe metatʼkoa, “Alope botorokʼa. Isor do biḍạureye paṛao ocoakatʼpea jemon apeakʼ monre botor tahente alope kại. Ar ona iạtege uni doe hecʼakana.”

Jesaea 29:23

Tinre onko do ako talare ińakʼ ti reakʼ kạmi, metakʼme akoren gidrạkoko ńelkoa unre sonoticʼ menteko manaoińạ. Jakobren uni sonoticʼ do sonot menteko aṅgocea ar Israelren Isorko botoraea.

Jesaea 5:16

Menkhan phạdkoren Probhu Isor do dhorom reakʼe bicạra are usulokʼa; sonoticʼ Isor do acʼakʼ dhorom iạte sonot menteye sodorokʼa.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Levitikus 22:32

Ińakʼ sonot ńutum do alope besonot ocoya. Ar sonot menkate baṛe manaoińpe. Iń Probhu Isorge ape doń begar dohoakatʼpea.

Malaki 2:5

Onko lạgitʼ oka bondobosiń doholetʼ ona do jion ar bhạlại reakʼ bondobos kana. Noa bondobosge onkoń ematʼko tahẽkana. Ona chaḍa noa do botoranakʼ bondobos hõ kana, jemon ińko botorạń; ar sạrige onko do ińko botorạńkan tahẽkana.

Numeri 27:14

Ente Sin hahaṅkarre Israelko tinre dakʼ lạgitʼ kạphạriạukʼko ehopʼletʼa unre Israelko samaṅre iń sonotiń reakʼ hukum do baben bataoleda.” Ona do Sin hahaṅkarre Kades ṭhenakʼ Meribah reakʼ dakʼge.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Romiko lạgitʼ Pạul Apostolakʼ ciṭhi 4:20

Isorakʼ gokʼakʼre uniyakʼ monre tishõ jãhãn digdhạge baṅ hecʼ akawade tahẽkana, bickom pạtiạure arhõ keṭecʼe tahẽyente uni do Isore sarhaoede tahẽkana.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

1 Samuel 11:7

Uni do barea ḍaṅgrae hataoketʼkinte unkine samakʼ kaṭra kuṭrạketʼ kinạ. Ar ona tayom onako kaṭra kuṭrạ do hoṛ kolkate Israel disạm reakʼ sanam jaegareye kolkeda ar noa katha lại pasnao lạgitʼe metatʼkoa, “Jãhãege Sạul ar Sạmuel sãote bae midokʼ onkoren gại ḍaṅgrawakʼ halot hõ nonkage hoyokʼtakoa.” Probhu Isor do Israelkoakʼ monre mitʼṭecʼ botore rakapʼ ocoketʼtakoa, ar onko do mitʼte jotoko oḍok hecʼena.