Jesaea 7:23 - সান্তালী বাইবেল

²³ Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

Jesaea 7:23 Iomraidhean Croise

Genesis 3:18

Am iạte hasare rạṅgạiniko ar jạnumko janamokʼa, menkhan amakʼ jomakʼ do jumi reakʼ phosolge hoyokʼa.

Jesaea 32:10

E khạtir monan kuṛiko, mitʼ bochor khon thoṛa bạ̃ṛti okte hoylen khange ape do botortepe thar tharaokʼa, ente darkha nạ̃ṛĩ do nosṭokʼa, ar ona reakʼ jo bahakʼ okte do ar baṅ hijukʼa.

Jesaea 5:10

Pegel bighạ darkha bagwan khon eken bargel bar liṭar darkha rasa ńamokʼa, ar mitʼsae irạgel keji itạ khon eken gel irạl keji phosolge janamokʼa.”

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jesaea 7:24

Ar hoṛko do akʼ sarante onḍeko calakʼa, ente disạm do jạnum ar rạṅgạinite perejokʼa.

Jirimiạ 4:26

Beṅgetʼkateń ńelkeda Probhu Isor samaṅre, uniyakʼ botoranakʼ edre samaṅre disạm do hahaṅkar hoyakana; uniyakʼ sanam nagrahako do dhaṅ dhaser akana.

Jeheskel 12:20

Hoṛte perecʼ nagrahako do dhaṅdhaserokʼa ar disạm do ujạṛokʼa. Ar unrepe baḍae daṛeakʼa, ińkangeạń Probhu Isor do.’ ”

Hosea 2:12

Oka darkha nạ̃ṛĩ ar loa dare reaṅe roṛakatʼ baṅma, acʼakʼ kuṛại iạtege acʼren dulạṛiạkoko em akawadea, ona doń nosṭoetaea; ar onako do bir gajaṛ iń hoeocoya ar bir janwarko do onako joma.

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Mathae 21:33

“Mitʼṭecʼ phen ańjompe. Mitʼṭen oṛakʼ kisạ̃ṛ do mitʼṭecʼ darkha bagwane benaokeda ar ona beṛhaeteye eṭetʼ ạcurkada. Tayomte uni do ona bagwanre lelen kũnḍe la tearketʼte mitʼṭecʼ usul pahra oṛakʼe benaokeda. Ar inạ tayom do cacasko ṭhen onae bạisạu oṭokatʼte acʼ do eṭakʼ disạmteye calaoena.

Ibriko 6:8

Menkhan okaṭakʼ ot do jạnum ar rạṅgạinikoe omon ocoyetʼ ona ot do okoḍagea ar onare sarapokʼ reakʼ botor tahena. Ar mucạtʼre hoṛ do onako atar giḍikakʼa.