Jesaea 7:13 - সান্তালী বাইবেল

¹³ Menkhan Jesaeae menkeda, “Dạud bõsren hoṛko, ańjompe. Manwawakʼ sombhuri biḍạu aṭkar do cetʼ baṅ ḍhera? Ape do cetʼ ińren Isorakʼ sombhuripe biḍạutaea?

Jesaea 7:13 Iomraidhean Croise

Genesis 30:15

Menkhan Lea do uniye metadea, “Ińren jãwãeyem hatao akadere hõ cetʼ baṅ hoyokʼkan tama? Ar ińren hopone ạguakatʼ Dudạ jo hõm khojkana?” Rahele roṛ ruạṛkeda, “Amren hopone ạguakatʼ Dudạ jo bodolte teheń ńindạ uni do am tulucʼe giticʼma.”

2 Bõsbudạ 21:7

Enhõ Probhu Isor do Dạud lạgitʼ okae bondobose bandhaoletʼ onate uniyakʼ bõsko do bae marao utạrleda. Uni do Dạud ar uni bõsrenko jaejug lạgitʼ mitʼṭecʼ mạli emakoa menteye gokʼletʼ tahẽkana.

Sereńko 45:5

Rajren bạirikoakʼ koṛamre amakʼ laser sar do bidokʼkana; ar amren bạiriko do amakʼ jaṅga latarreko ńurokʼkana.

Jesaea 1:14

Apeakʼ molokʼ cando reakʼ rạskạ ar niṭ akatʼ porobko doń hirkhạwakʼ kana. Iń ṭhen noako do bojha leka hoyakana; noako gokʼ gokʼte iń doń laṅga caba akana.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Jesaea 22:22

Uniyakʼ tarenre Dạud bõs reakʼ choṛaniń dohoaea; uni do onae jhija ar celege ona do bako siń daṛeakʼa, ar uniye sińlere ona do cele hõ bako jhicʼ daṛeakʼa.

Jesaea 25:1

E Probhu, am kangeam ińren Isor do; iń do amgeń sarhaomea ar amakʼ ńutumgeń õṛhẽytama. Oka hahaṛawakʼ kạmiko ḍher din khonem goṭa akatʼ ona do amge purạ pạtiạr salakʼem kạmi akada.

Jesaea 43:24

Am do jãhãn jut so bocʼ hõ bam kiriń akawạdińa; ar janwar samaṅokʼakʼ itilte bam kusi ocoakadińạ. Ona bodolte am do amakʼ kại reakʼ bojham ladeakawadińa ar amakʼ sanam behokakʼtem laṅga ocokedeńạ.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jesaea 7:12

Menkhan Ahase menkeda, “Iń do ona bạń meneda, ar Probhu Isor hõ bạń biḍạuea.”

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Jeheskel 16:20

“ ‘Amren okoe hopon ar hoponerako iń lạgitʼ kukhirem janametʼko onko do jomakʼ lekate boṅgako ńutumtem samaṅ akatʼkoa. Amakʼ loṭghuṭi reakʼ kạmi do cetʼ ḍherge baṅ tahẽkana?

Jeheskel 16:47

Enrehõ am do unkinakʼ horkore taṛamte ar unkinakʼ hirkhạwakʼko leka kạmite do bam tirpitlena, bickom eken thoṛa ghạṛitege amakʼ sanam horkore unkin khon hõ bạ̃ṛtigem kharapena.

Jeheskel 34:18

Apeakʼ bhage ạtiń ṭạnḍi do cetʼ komkante sarecʼakʼ ạtiń jaega hõ jaṅgatepe lebetʼ gasmanḍaoa? Ar phạriạ dakʼpe ńũiyetʼ do cetʼ komkante sarecʼ dakʼ hõ jaṅgatepe leoḍa boḍeyeda?

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Amos 3:13

Phạdkoren Probhu Isore menetʼkana, “Ańjompe ar Jakobren bõsko sontorkope.

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”

Numeri 16:13

Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Numeri 16:9

Ape lạgitʼ do cetʼ onage baṅ ḍhera je, Israelkoren Isor do somajren eṭakʼ hoṛko khon acʼ ṭhene begar ạguakatʼpea jemon Probhu Isorakʼ sekʼwa tạmburepe kạmi ar somajren hoṛko sapʼsorako lạgitʼ onko samaṅrepe teṅgo daṛeakʼ?

Luk 1:69

Uni do abo lạgitʼ acʼren guti Dạudakʼ bõs khon mitʼṭen daṛeanicʼ babańcaoicʼe omonkedea.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Ibriko 3:10

Iń do onko cetanre ạṛislenteń menleda, ‘noko hoṛakʼ ontor do bạṛicʼ secʼ ạcur baṛaekana; onko do ińakʼ hor bako baḍaelakʼa.’