Jesaea 66:5 - সান্তালী বাইবেল

⁵ Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Jesaea 66:5 Iomraidhean Croise

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

2 Rapajko 22:10

Unre olokʼicʼ do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raj onae paṛhao ańjomadea.

2 Bõsbudạ 34:27

‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 38:20

Iń do onkoń bhạlạileko khan onko do ińakʼ khutiytiń reakʼko kurumuṭuyeda; ar bhageakʼkoń ńam baṛaere onko do iń upạrteko teṅgon kana.

Kạhtukko 13:13

Okoe hoṛ Isorakʼ kathae nihạ̃t uni do acʼakʼ nosṭokʼe ạgujoṅa, menkhan okoe hoṛ Isorakʼ hukumkoe manao uni do acʼakʼ kuṛạiye ńama.

Soros sereń 1:6

Ińiń hendegete nonka do alope koyokʼạńạ, ente siń candogeye jharkao akadińạ. Ińren boehako do ińreko edre akante darkha bagwan horhoyicʼ menteko dohokadińa, onate ińakʼ darkha bagwan do bạń joton akada.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jesaea 65:13

Onatege Probhu Isor doe meneda, ‘ińren golam doko joma, menkhan ape do reṅgecʼtepe gujukʼa; ińren golamko do dakʼko ńũiya, menkhan ape do tetaṅpea; ińren golam doko rạskạkʼa, menkhan ape dope lajao ocokʼa.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jirimiạ 36:16

Onko do sanamakʼ katha ańjomkate botorokʼ salakʼ am iń secʼko beṅgetʼana ar Barukko metadea, “Noako reakʼ joto katha do raj jạhiraetege hoyokʼa.”

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Mathae 10:22

Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Luk 13:17

Noa kathae roṛketʼ khan uni upạrteko tahẽkan sanamko doko lajaoena. Menkhan eṭakʼ hoṛko do uniyakʼ maraṅ kạmi ńelte ạḍiko rạskạyena.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

2 Thessalonikiko 1:12

Enḍekhan aboren Isor ar Probhu Jisu Mạsiyakʼ dayate aboren Probhu Jisuakʼ ṭhonok do ape hotete sodorokʼa, ar apehõ uni hotetepe ṭhonok ocokʼa.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

1 Johan 3:13

E boehako, dhạrtiren hoṛko kurudapere ape do alope hahaṛakʼa.