Jesaea 66:4 - সান্তালী বাইবেল

⁴ Onate iń do onko cetanre sạjạiyiń ạguiya ar onko okaṭakʼko botorakʼ onage onko cetanreń paṛao ocoya, ente ińiń hoholetʼre okoege bako goṅledeńa, ar kathań roṛletʼre hõ okoege bako ańjomletʼtińạ. Onko do ińakʼ mẽtʼre oka bạṛicʼakʼkan onageko kạmikana, ar okaṭakʼteń edrekʼ onageko bachao joṅkana.”

Jesaea 66:4 Iomraidhean Croise

2 Rapajko 21:2

Probhu Isor do Israelko samaṅ khon okoe jạtrenkoe laga ńirletʼko tahẽkan Manase do onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Kạhtukko 1:24

Apeń hohowatʼpere ape do bape hetawatʼtińạ, ar tiyiń ạwilletʼre okoe hõ bape moneyada.

Kạhtukko 10:24

Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 59:15

Sạriyakʼtetʼ do okare hõ baṅ sendra ńamokʼa, ar okoe bạṛicʼakʼe bạgiyakʼ uni doe santao ocokʼa. Probhu Isor do noakoe ńelkeda ar hok reakʼ bicạr bạnukʼte uni doe edreyena.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jesaea 65:3

Onko hoṛ do ạuṛiyakʼteko ạṛis ocoyediń kana; onko do bagwankore samaṅokʼakʼko samaṅeda ar iṭạkore dhupko jeretʼeda.

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jeheskel 11:8

Okaṭakʼ tarwaṛepe botorakʼ kan ona tarwaṛege ape upạrteń ạguiya.

Jeheskel 14:4

Onate onkom metakoa, Probhu Isore meneda, ‘jãhãe Israel acʼakʼ ontorre boṅga muṭhạn bạisạu iạte kạire ńurokʼ lekan jinis apnar samaṅreye dohoy ar ona tayom nạbi ṭhene hijukʼ, enḍekhan iń Probhu Isorge uniren ḍher boṅga muṭhạnko iạteń roṛ ruạṛaea.

Jeheskel 20:25

Ona iạte okaṭakʼ bhageakʼ baṅkan ar okaṭakʼ niạm hotete jion bako ńam onako reakʼ tireń aṛakʼ giḍikatʼkoa.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

1 Samuel 8:19

Menkhan hoṛko do Samuelakʼ niạ katha bako moneyatʼtaea. Onkoko menkeda, “Baṅa, ale do mitʼṭen rajgele khojkana.