Jesaea 66:2 - সান্তালী বাইবেল

² Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 66:2 Iomraidhean Croise

1 Rapajko 21:29

“Ńeleme Ahab do iń samaṅre cetʼ lekae nindhạn akana! Uniye nindhạn akante uniyakʼ jionre niạ muhin do bạń ạguiya, menkhan uniren hoponakʼ jionre ar uniyakʼ bõsko cetanreń paṛao ocoya.”

2 Rapajko 22:10

Unre olokʼicʼ do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raj onae paṛhao ańjomadea.

2 Rapajko 22:11

Ạn-ạri reakʼ puthire oka ol tahẽkan ona ańjomte raj do acʼakʼ kicricʼe oṛecʼketʼtaea.

Esra 10:3

Onate dela bon, aboren Isor samaṅre niạ bon kiriạkʼma, ińren kisạ̃ṛ amakʼ sopolha lekate ar aboren Isorakʼ hukum okoeko botorakʼ kan onkoakʼ solha hotete ale do noko sanam maejiuko ar onkoren gidrạkole bạgi giḍiyakoa. Ar ona do ạn lekatege hoyokʼma.

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 119:161

Disạm calaoko do ạuṛiyakʼte ińko santaoedeń kana, menkhan ińakʼ ontorre amakʼ katha lạgitʼ botor menakʼa.

Sereńko 138:6

Probhu Isor do jotowakʼko cetanre menaere hõ enhõ uni do nindhạnkoe beṅgetʼakoa, menkhan bạḍạiko doe sạṅgiń khongeye baḍaekoa.

Sereńko 34:18

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

Sereńko 51:19

Enḍekhan dhorom reakʼ dãṛẽkom bạsutakʼa, ar jeredokʼ samaṅakʼ ar goṭa jeredokʼ samaṅakʼkote; am dom rạskạkʼa, ar amakʼ pinḍ cetanre hoṛko do sanḍ ḍaṅgrako samaṅkoa.

Kạhtukko 28:14

Okoe hoṛ behok lạgitʼ jao okteye botorokʼkan uni doe bhạgangea, menkhan okoe acʼakʼ ontorre keṭejtae ar behok lạgitʼ bae botorokʼ kan uni do muhinreye paṛaokʼa.

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 41:20

jemon ona ńelte hoṛko baḍae arko bujhạu daṛeakʼ, noa do Probhu Isorakʼ tigeye kạmi akada, Israelren uni sonoticʼge niạkoe nonka akada.”

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Mathae 12:6

Ińiń metapekana, nonḍe do mundil khon hõ mitʼṭen maraṅicʼge menaea.

Aposkạmi 7:50

Noako jinis do cetʼ ińakʼ nij tite bạń benao akada?’

Aposkạmi 9:6

Uniye menkeda, “Iń doń Jisu kana, okoe amem khedeńkan. Ńitokʼ do beredokʼme ar nagrahate calakʼme. Ar cetʼ cekae hoyokʼtama ona dom lại ocokʼa.”

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

Kolossiko lạgitʼ Pạul Apostolakʼ ciṭhi 1:17

Uni do sanamakʼko khon laharen kanae ar unirege jotowakʼ do ṭarhao mitʼakana.