Jesaea 64:8 - সান্তালী বাইবেল

⁸ Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Jesaea 64:8 Iomraidhean Croise

Jobakʼ 10:3

Iń kosṭom imạńte amakʼ do cetʼ lab? Amakʼ ti teakʼ kạmi do cetʼem nihạ̃t giḍikakʼa ar bạṛicʼkoakʼ ponthako dom kusiyakʼa?

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Sereńko 95:6

Dela, abo do uni bon sewawae ma; aboren sirjạuicʼ Probhu Isor samaṅre bon ikhṛumokʼma.

Exodus 32:12

Ar Misorrenko do niạ katha roṛ reakʼ cedakʼ ạtko ńama, dhạrti khon meṭaoko lạgitʼ am do noa buru ṭoṭha talarem oḍok ạgu akatʼkoa? Amakʼ noa botoranakʼ edre do thirtam. Dayakʼme, amren hoṛko cetanre noa muhin do alom ạguiya.

Exodus 4:22

Ona tayom am do Pharaoem metaea, Probhu Isore meneda, ‘Israel doe ińren pạhilicʼ hopon kana.

Jesaea 19:25

Phạdkoren Probhu Isor do niạ menteye bhorakoa, “Bhoranko hoyokʼma Misorrenko, ińren hoṛkoge, Ạsurrenko do ińakʼ ti reakʼ kạmige; ar Israelrenko do ińakʼ ạidạrirenkoge”

Jesaea 29:16

Apeakʼ bud do ulṭạ palṭagea! Kuṅkạl ar jaṭaṅ hasa do mitʼ lekagepe hudiseda! Okoeye benaoetʼkan uniyakʼ benao jinis do cetʼ uni reaṅe roṛ daṛeakʼa, “Uni do bae benao akadińạ mente?” Ar bhajan do cetʼ kuṅkạl babotreye mena, “Uni do cetʼge bae baḍaea?”

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Jesaea 45:11

“Probhu Isor, okoe doe Israelren uni sonoticʼ kan, okoe doe uniren sisirjạukʼ kan, uni do niạ kathae meneda, ‘ape do cetʼ tayom daram ghoṭna reaṅpe kuli akadińạ? Ińren gidrạko se ińakʼ ti reakʼ kạmi reaṅpe hukum akawạdińa?

Jesaea 45:9

“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Malaki 2:10

Abo sanamkoren baba do cetʼ uni mitʼ babageye baṅkana? Mitʼṭen Isorge cetʼ abo do bae sirjạu akatʼbona? Enḍekhan cedakʼ mitʼ hoṛ do armitʼ hoṛ sãote bin pạtiạr bon hoyokʼkante aboren hapṛamko lạgitʼ doho akan bondobos bon bemanotetʼ kana?

Johan 8:41

Ape do aperen baba okae kạmikan ape hõ onagepe kạmikana.” Onko do Jisuko metadea, “Loṭghuṭire do bale janam akana. Aleren do mitʼ goṭenge baba menaetalea, uni do Isorge.”

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Dosar Biboron 32:6

E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’