Jesaea 64:5 - সান্তালী বাইবেল

⁵ Okoe do Isorakʼ sana leka kạmi lạgitʼ rạskạko ńametʼkan ar amko disạyetʼmete amakʼ horteko calakʼkan onko goṛowako lạgitʼ am dom hijukʼ kana; menkhan ale dole kại akada ar ḍher din khon inạ dosarege menakʼlete ale cetanre ạḍim raṅgao akana. Enḍekhan cekate bańcao dole ńama?

Jesaea 64:5 Iomraidhean Croise

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Sereńko 37:4

Probhu Isor iạte hulạsokʼme; amakʼ mon reakʼ sana do unigeye purạutama.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Exodus 25:22

Ar iń do goha sinduk reakʼ daya duṛupʼakʼ cetanre Kerubkin talare am sãote ńapamkate Israelko lạgitʼ ińakʼ sanam hukumiń emama.

Exodus 30:6

Goha tạmbu ṭhen, metakʼme gohawakʼ cetanre menakʼ daya duṛupʼakʼ ṭhen oka orwal tahen ona samaṅre noa pinḍem dohokakʼa; ar iń do onḍege am sãoteń ńapamokʼa.

Jesaea 1:30

Ape do ona debdạru dare lekan kope hoyokʼa one oka reakʼ sakam do tolmojokʼkan; ar ona bagwan lekan kope hoyokʼa one oka do dakʼte baṅ paṭao akatʼ.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 26:13

E Probhu, aleren Isor, am chaḍa eṭakʼ Probhuko hõ ale cetanre mạlikiko calaoleda, menkhan ale do eken amgele aṅgocetʼmea.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Sakariạ 3:3

Unre Josuạ do mạilạ kicricʼ horokʼ akatʼ dosarege Probhu Isorren goḍet samaṅreye teṅgo akan tahẽkana.

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.