Jesaea 64:4 - সান্তালী বাইবেল

⁴ Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jesaea 64:4 Iomraidhean Croise

Genesis 49:18

“E Probhu Isor, am do unim rukhiyạyea ar ona ńelhor lạgitʼge iń do minạńa.

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.

Sereńko 130:5

Iń do Probhu Isor koyokʼ horre minạńa, ińakʼ ontor do uni koyokʼ horre menakʼa. Iń do uniyakʼ kathare asiń dohoakada.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Sereńko 62:1

Ińakʼ jiwi do eken Isorakʼ ńel horrege menaea, ente uni kangeae ińren rurukhạyicʼ do.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Jesaea 59:12

E Probhu Isor, amakʼ mẽtʼre alaeakʼ behokakʼ do ḍhergetalea; aleakʼ kại do ale upạrte gohae emetʼkana. Aleakʼ bedhoromtetʼ do ale sãorege menakʼa ar aleakʼ ghạṭko reaṅ dole baḍaekangea.

Jesaea 66:8

Nonkan katha do okoeye ańjomakada? Okoe nonkan ghoṭna doe ńelakada? Mitʼṭecʼ disạm do cetʼe janam daṛeakʼa? Se mitʼṭen jạt reakʼ janam do ṭuṅ ghuṛite hoyokʼa? Menkhan Sion do bedon ạuri rakapʼaerege acʼren hoponkoe janamketʼkoa.

Daniel 9:15

“E aleren Probhu Isor, amakʼ daṛeanakʼ tite amren hoṛko Misor disom khonem oḍok ạguletʼkoa ar amakʼ ńutum do maraṅlentama, ar teheń hạbicʼ hõ ona menakʼa. Ale dole kại akada ar bạṛicʼakʼle kạmi akada.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Daniel 9:8

E Probhu Isor, aleren rajko, mukhiyạko, hapṛamko ar ale sanamkoge lajaole asen baṛayeda, ente ale do am upạrtele kại akada.

Hosea 7:7

Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Sakariạ 10:9

Ar jạt jạtrenko talareń pasnao akatʼkore hõ sạṅgiń disạmre onko do ińko disạyińạ. Onko ar onkoren hopon ar hoponerako jiwetʼko tahena ar onko doko ruạṛ hijukʼa.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Luk 2:25

Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Johan 14:3

Ar senkate ape lạgitʼ jaegań benaole khan arhõń ruạṛ hijukʼa ar iń ṭheniń ataṅ idipea, jemon iń okareń tahen ape hõ onḍepe tahen.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.

1 Korinthiko 1:7

Onate aboren Probhu Jisu Mạsiyakʼ sodorokʼ reakʼpe ńel hohorkanre okaṭakʼ dante hõ bape khaṭo ocokʼkana.

1 Thessalonikikko 1:10

serma khon uniren Hoponakʼ hijukʼpe ńel hor akae tahen. Uni Hopongeye hoyokʼ kana Jisu Mạsi, one okoe do gocʼko khone jiwetʼ beretʼkede. Ar Isorakʼ oka sạjại pheḍ hijukʼkan ona sạjại khon uni Jisuge abo doe rukhiyạ bona.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Jakob 5:7

Onate E boehako, tin hạbicʼ Probhu Isor bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?

1 Johan 4:10

Isor do abogebon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.