Jesaea 64:3 - সান্তালী বাইবেল

³ Ar oka bale as akan onkan botorakʼkom kạmiletʼre am dom pheḍ hecʼena ar buruko do am samaṅre daldalaolena.

Jesaea 64:3 Iomraidhean Croise

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Sereńko 106:22

Ham bõsrenkoakʼ disạmre hahaṛa kạmi reakʼ katha onko doko hiṛińkeda, ar arakʼ doreãore hoylen botoranakʼ kạmi hõko hiṛińkeda.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Sereńko 66:5

Ape do dela hijukʼte Isorakʼ kạmi ńel idipe; manwa lạgitʼ uni okaṭakʼe kạmi akatʼ ona do monre botore rakapʼ ocoyeda.

Sereńko 68:8

unre dhạrti do daldalao lena ar serma do dakʼe emlena. Noako do hoylena Isor samaṅre, Sinạiren uni Isor samaṅrege, Isor samaṅre, Israelkoren Isor samaṅre.

Sereńko 76:12

Uni do disạm calaokoakʼ bạḍạiye heseketʼtakoa; ar dhạrtiren rapajko do uniko botoraea.

Exodus 34:10

Khan Probhu Isor doe roṛ ruạṛkeda, “Iń do mitʼṭecʼ bondobos iń dohoakada. Amren sanam hoṛko samaṅre nonkan hahaṛawakʼkoń kạmiya ona do niạ lahare dhạrtiren cele jạtrenko samaṅre baṅ hoyakana. Ar okoe hoṛko samaṅrem girobasokʼkan onkoko ńela, iń Probhu Isor do ape lạgitʼ okań cekae lạgidokʼkan ona do manwakoakʼ monre botor ar bhuktigeye janam ocoya.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 64:1

Serma oṛecʼkate baṛem pheḍ hecʼlen khan! Ar am samaṅre buruko dalmalaolen khan!

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.