Jesaea 6:8 - সান্তালী বাইবেল

⁸ Ona tayom iń do Probhu Isorakʼ kathań ańjomkeda. Uniye menkeda, “Okoeyiń kolea? Abo secʼ khon okoeye calakʼa?” Ińiń menkeda, “Iń minạńa, ińge koleńme baṛe.”

Jesaea 6:8 Iomraidhean Croise

Genesis 1:26

Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko, leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.”

Genesis 11:7

Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Genesis 22:1

Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Genesis 3:22

Ona tayom Probhu Isore menkeda, “Ńelpe, boge bạṛicʼ dare reakʼ jo jomkate manwa do aboren mitʼṭen lekae hoyakana. Ńitokʼ manwa do jaejug tahen lạgitʼ jion dare reakʼ jo tiyokʼkate aloe jom daṛeakʼ onate jãhãnakʼ cekae jạruṛtabona.”

2 Samuel 1:7

Uni do tayom secʼe ạcuren khan ińe ńel ńamkedeńteye hohowạdińa. Ar iń doń metadea, ‘hẽ minạńgea.’

1 Rapajko 22:20

Unre Probhu Isor doe menkeda, ‘Ramot-Gilead akromon lạgitʼ okoe Ahabe bulạu idiye uni do onḍegeye gujukʼa. Unre mimitʼ hoṛ do mimitʼ leka kathako menkeda.

Jesaea 65:1

Probhu Isore meneda, “Noko hoṛ do iń ṭhen nehõrokʼ lạgitʼ ạt iń em akatʼkoa, menkhan onko do jãhãn nehõrakʼge bako baḍae ocoakadińạ; iń do onko sorregeń tahẽkana, menkhan goṛo ńam lạgitʼ iń ṭhen bako hecʼlena. Iń do onko jạtrenkoń men akatʼkoa, ‘nonḍege minạńa, nonḍege minạńa,’ menkhan iń ṭhen do cetʼge bako arojlakʼa.

Jeheskel 1:24

Jiwiyankoko calaoen tayom iń do onkoakʼ phạ̃kṛạ̃kʼ reakʼ sabadiń ańjomkeda; ona do banbạsi ar ạtukʼ dakʼ reakʼ saḍe leka ańjomokʼkan tahẽkana, sanam daṛeanicʼ reakʼ aṛaṅ leka tahẽkana, mitʼṭen lạṛhại phạdkoakʼ kạumạu lekage. Jiwiyankoko teṅgokan tahẽkanre phạ̃kṛạ̃kʼ doko samṭaokatako kan tahẽkana.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Jeheskel 9:1

Ona tayom Isor do ãṭ aṛaṅte hohoate roroṛiń ańjomkedea, “E nagrahako jarkhar reakʼ kạmire bahal akan hoṛko, ape do maraokʼ reakʼ khanḍa bhanḍako nonḍe ạguiytape.”

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 26:19

“E Agrippa raj, onate serma khon noa dorson hotete okakoń men ocoakan ona doń batao ạguakada.

Aposkạmi 9:4

Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

1 Samuel 3:4

Un jokhecʼ Probhu Isor do Samuele hohoadea. Ar Samuel doe roṛ ruạṛkeda, “Nõkʼõe minạńgea.”