Jesaea 6:5 - সান্তালী বাইবেল

⁵ Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jesaea 6:5 Iomraidhean Croise

Genesis 32:31

Jakob do tinre Peniel khone mohnḍayena unre siń cando doe rakapʼena. Ar acʼakʼ bulu iạte kheṛdokʼ kheṛdokʼe taṛam idikeda.

Sereńko 24:10

Okoe kanae ṭhonokren uni raj do? Uni ṭhonokren raj do sanam daṛean Probhu Isor kanae. (Sela)

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 33:20

Menkhan am do ińakʼ mẽtʼãhã bam ńel daṛeakʼa, ente iń ńel tayom do okoe hõ jiwetʼ ohoko tahẽdaṛelena.”

Exodus 4:10

Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Exodus 6:12

Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”

Exodus 6:30

Menkhan Mose do Probhu Isore metade tahẽkana, “Pharao do ińakʼ katha bae luturakʼa, ente iń do hamal moca hoṛ kạnạń.?”

Jesaea 24:16

Dhạrti reakʼ ses simạ khon ale do niạ sereńle ańjom ńameda, “Dhoromicʼ Isorakʼge sarhao baṛe hoyokʼtae ma!” Menkhan ińiń meneda, “Hae! Iń do sorbonasreń paṛao akana, ente bepạtiạrko doko bepạtiạreda; hẽ onko do ạḍitetʼko bepạtiạr akada.”

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jesaea 33:17

Amakʼ mẽtʼ do raje ńelea uniyakʼ mońj rupre, manḍerte phaelao akan disạmgeye ạribạndhiya.

Jesaea 59:3

Ente apeakʼ tiko do mãyãmte bhõnḍakana ar apeakʼ kạṭupʼ do ghạṭkote perecʼ akana. Apeakʼ moca do eṛe kathae roṛeda ar apeakʼ alaṅ do dusṭạmigeye phuṭạu akada.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Jeheskel 12:2

“E Manwa hopon, am do mitʼṭen huhulkan jạtrenko talarem girobasokʼ kana. Onko do mẽtʼ menakʼgetakoa menkhan bako ńeńel kana, lutur menakʼgetakoa menkhan bako ańjomeda, ente onko do mitʼṭen huhulkan jạtren kanako.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Numeri 17:12

Noako ńelte Israelko do Moseko metadea, “Hae, ale dole gocʼena, arle maraoena, ar jotogele marao cabayena!

Bikʼcạrko 13:22

Unre Manoho ar uniren bạhuttetʼkin menkeda, “Alaṅ do Isorlaṅ ńelkedea, ar khạṭige laṅ gujukʼa.”

Bikʼcạrko 6:22

Gideon do Probhu Isorren goḍet kanae menteye bujhạuketʼ khane menkeda, “Hae hae, E Probhu Isor, iń do Probhu Isorren goḍet samna sạmniń ńelkedea!”