Jesaea 6:4 - সান্তালী বাইবেল

⁴ Onkoakʼ aṛaṅte mundil reakʼ silpiń do dal dalaoena ar oṛakʼ do dhũạte perecʼena.

Jesaea 6:4 Iomraidhean Croise

Sereńko 18:8

Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

Exodus 40:34

Ona tayom rimil hecʼente ńapamokʼ tạmbui dapal esetʼkeda ar sekʼwa tạmbu do Probhu Isorakʼ ṭhonokte perecʼena.

Jeheskel 1:24

Jiwiyankoko calaoen tayom iń do onkoakʼ phạ̃kṛạ̃kʼ reakʼ sabadiń ańjomkeda; ona do banbạsi ar ạtukʼ dakʼ reakʼ saḍe leka ańjomokʼkan tahẽkana, sanam daṛeanicʼ reakʼ aṛaṅ leka tahẽkana, mitʼṭen lạṛhại phạdkoakʼ kạumạu lekage. Jiwiyankoko teṅgokan tahẽkanre phạ̃kṛạ̃kʼ doko samṭaokatako kan tahẽkana.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Jeheskel 44:4

Ona tayom uni manwa do utạr duạr reakʼ horte mundil oṛakʼ samaṅreye ạgukedińa. Ińiń ńelkeda Probhu Isorakʼ oṛakʼ do uniyakʼ ṭhonokte perecʼ akana; ar unre iń doń taberena.

Amos 9:1

Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Johan sodor 15:8

Isorakʼ mạhima ar daṛe khon okaṭakʼ dhũạ oḍokokʼkan tahẽkan ona dhũạte mundil oṛakʼ do perecʼena. Onko eae goṭen serma goḍetkoakʼ eae goṭecʼ sạjại ạuri cabakʼ hạbicʼ okoe hõ ona mundilre do bako bolo daṛeada.