Jesaea 6:10 - সান্তালী বাইবেল

¹⁰ Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Jesaea 6:10 Iomraidhean Croise

Sereńko 119:70

Onkoakʼ ontor do itil leka ạuṛiyakʼgetakoa, menkhan iń do amakʼ sanam hukumre rạskạń ńameda.

Sereńko 17:10

Onko do goṛdho ontor reakʼ duạrko siń akada; ar onkoakʼ moca khon bạḍại reakʼ katha hõ oḍokokʼ kana.

Sereńko 69:23

Onkoakʼ mẽtʼ do kãṛãkʼtako ma jemon aloko ńeńel, ar onkoakʼ dea do jaejug kubjạ akan tahentako ma.

Exodus 10:27

Menkhan Probhu Isor do Pharao rajakʼ mone keṭecʼketʼtaea ar onko sen ocoako bae rebenlena.

Exodus 11:10

Noako hahaṛa kạmi Mose ar Aron do Pharao samaṅre kin kạmikeda, menkhan Probhu Isor do Pharaoakʼ mone keṭecʼketʼte disạm khon Israelko bae sen ocoatʼkoa.

Exodus 14:17

Menkhan iń do misrikoakʼ mon nonkań keṭecʼ ocoytakoa, onko do Israelkoko khudạu idikoa ar jalapuriteko bolokʼa. Onate Pharao ar uniren sanam palṭonko, rãt gạḍiko ar aswariko do ińakʼ ṭhonok sodorokʼ reakʼko hoyokʼa.

Exodus 7:3

Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Kạhtukko 16:30

Ripitʼetʼkan hoṛ do bạṛicʼakʼkoe moneyakʼa; ar luṭiye lạṭum hapekakʼ hoṛ do bạṛicʼakʼe rikạyeda.

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Jesaea 28:13

Onatege onko ṭhen Probhu Isorakʼ katha do hoyokʼa, “sikhạuna upạr sikhạuna, sikhạuna upạr sikhạuna. Thar upạr thar, thar upạr thar. nonḍe thoṛa hanḍe thoṛa,” Jemon onko do taṛamle khange sạmbirteko bhindạṛokʼ arko hạnokʼte pạsireko sapʼ ṭarhaokʼ.

Jesaea 29:10

ente Probhu Isor do ape cetanre mitʼṭecʼ jạpitʼe ạguakada; apeakʼ mẽtʼ do nạbiko kana, apeakʼ ona mẽtʼ uni doe bond akada ar apeakʼ bohokʼ do cholte ńeńelkoakʼ kana, apeakʼ ona bohokʼ doe poṭom akatʼtapea.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 29:9

Ape do ṭhak ar hahaṛakʼpe; jạpitʼkate kãṛãkʼpe, menkhan darkha rasa ńũte do alo; konḍe manḍekʼpe, menkhan bubulakʼ iạte do alo;

Jesaea 44:18

Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jirimiạ 5:21

“E lelha ar bebuj hoṛko, okoe do mẽtʼ tahen tulucʼ bape ńeńelkan, lutur tahen tulucʼ bape ańjomkan, ape do luturakʼtińpe.

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Rak̕joṅ 3:65

Onkoakʼ mon baṛe keṭecʼ ocoytakome, ar amakʼ sarap do onkorege paṛao ocoyme.

Sakariạ 11:15

Unre Probhu Isor do ińe metadińạ, “Niạ dhao do arhõ mitʼṭen kharap gukʼpiyicʼakʼ jinisko hataome.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

Aposkạmi 28:27

Noko hoṛakʼ ontor do goṛdho akana, ar lutur hõ tepetʼakan takoa, ar mẽtʼ doko jạpitʼ akada, jemon mẽtʼte aloko ńeńel, luturte aloko ańjom, ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Dosar Biboron 29:3

Onkoakʼ ona maraṅ biḍạu ar Probhu Isore udukʼletʼ cinhạko ar maraṅ maraṅ hahaṛa kạmiko hõpe ńelleda.

Dosar Biboron 29:4

Menkhan Probhu Isor ṭhen khon teheń hạbicʼ hõ onako bujhạu reakʼ mon, ńeńel reakʼ mẽtʼ ar ańjom lạgitʼ lutur hõ bape ńamana.

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.