Jesaea 59:8 - সান্তালী বাইবেল

⁸ Onko do suluk reakʼ hor bako baḍaea; onkoakʼ horre do hok reakʼ bicạrge bạnukʼa. Onko do akoakʼ horko konḍea akada; ar ona horte calakʼko do sulukokʼ bako baḍaea.

Jesaea 59:8 Iomraidhean Croise

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Kạhtukko 2:13

ar ńut horte calakʼ iạte sojhe horko bạgiyakʼkan,

Kạhtukko 2:15

ar okoe do konḍeya ar bạṛicʼ horteko calakʼkan.

Kạhtukko 21:8

Ghạṭte perecʼ hoṛakʼ jion do khiṛjạṅ khoṛjoṅ, menkhan khạṭi hoṛ do dhoromteye kạmiya.

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Kạhtukko 3:17

Ona horre do rạskạ menakʼa, ar ona reakʼ sanam horrege bhạlại menakʼa.

Jesaea 48:22

Probhu Isore meneda, “Bedhoromko lạgitʼ suluk do bạnukʼa.”

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jesaea 59:11

Abo sanamkoge bana leka bon hukạueda, ar parwa leka bon bak bạkureda. Abo do dhorom reakʼ bicạr ar bańcaoge bon khojkana, menkhan ona do ḍher sạṅgińre tahenkana.

Jesaea 59:9

Ona iạte hok reakʼ bicạr do abo ṭhen khon sạṅgińre tahen kana ar dhorom do abo hạbicʼ baṅ seṭerokʼ kana. Abo do marsal bon khojkana, menkhan jotoge ńutgea; ḍig ḍig marsal bon khojkana, menkhan kaṛaṅ kucạṅ ńutre bon dãṛãnkana.

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Luk 1:79

jemon ńut ar gujukʼ umulreko duṛupʼ akan Onko do marsale emako, ar suluk reakʼ horteye ạyur idi bon.”

Romiko lạgitʼ Pạul Apostolakʼ ciṭhi 3:17

Suluk reakʼ hor onko do bako baḍaea,