Jesaea 59:2 - সান্তালী বাইবেল

² Menkhan apeakʼ kạige aperen Probhu Isor ṭhen khone begar akatʼpea. Apeakʼ ghạṭ iạtege uni doe dea giḍiakatʼpea; ar onatege bae ańjometʼtapea.

Jesaea 59:2 Iomraidhean Croise

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jesaea 58:4

Ńelpe jhogṛa ar reṭepeṭe lạgitʼgepe upạseda arpe kuhạukʼ kana. Nonkan upạs do apeakʼ aṛaṅ coṭte bae ańjom ocoytapea.

Jirimiạ 5:25

Apeakʼ bedhorom kạmi iạte noako do sạṅgińre dohoakana; apeakʼ ghạṭ iạte apeakʼ bhạlại do baṅ hoyoktapea.

Rak̕joṅ 1:8

Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Mikạ 3:4

Okte darakana tinre ape do Probhu Isor ṭhenpe rakʼjoṅa, menkhan uni do bae roṛ ruạṛapea. Unre uni do ape secʼ khon acʼakʼ mẽtʼãhãe danaṅtaea, ente ape do bạṛicʼakʼpe kạmikana.

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.

1 Samuel 4:3

Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”