Jesaea 59:10 - সান্তালী বাইবেল

¹⁰ Abo do kãṛãko leka bhit bon ṭạmḍạu baṛayetʼkana; hẽ mẽtʼ bạnukʼtako hoṛ lekage hor bon ṭạmḍạu baṛayeda; abo do tikinge bon tohodokʼ kana; ar jiwetʼko talare gocʼko leka menakʼ bona.

Jesaea 59:10 Iomraidhean Croise

Jobakʼ 5:14

Siń marsalrege onko do ńut pheḍ hecʼako kana; ar tikin okte do ńindạ lekako hạtṛạu baṛaeyeda.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Jesaea 28:13

Onatege onko ṭhen Probhu Isorakʼ katha do hoyokʼa, “sikhạuna upạr sikhạuna, sikhạuna upạr sikhạuna. Thar upạr thar, thar upạr thar. nonḍe thoṛa hanḍe thoṛa,” Jemon onko do taṛamle khange sạmbirteko bhindạṛokʼ arko hạnokʼte pạsireko sapʼ ṭarhaokʼ.

Jesaea 8:14

Enḍekhan unige mitʼṭecʼ sonot asrayokʼ ṭhạ̃iye hoyokʼtapea, menkhan Israelkoakʼ banar disạm lạgitʼ do mitʼṭecʼ tạkʼkicʼakʼ dhirigeye hoyokʼa jemon hoṛkoko tohodokʼ. Jerusalemren hoṛko lạgitʼ uni do jhampa ar pạsi lekae hoyokʼa.

Jesaea 8:15

Onko modre ḍherkogeko tohodokʼa. Onko doko tohotʼ bhindạṛokʼa arko rạputʼ gejerokʼa; ar pạsiteko sabokʼa.”

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Rak̕joṅ 3:6

Okoe ḍher din lahareko gocʼakan onko leka uni do ńutreye berel ocoakadińạ.

Rak̕joṅ 4:14

Onko do kãṛãko leka kulhikoreko dãṛãnkan tahẽkana; onko do mãyãmte nonkako bhonḍ akana, celege onkoakʼ kicricʼ do bako joṭetʼetʼ tahẽkana.

Jeheskel 21:15

Iń do onkoakʼ sanam nagraha reakʼ phaṭok duạrkore noa gogocʼ reakʼ tarwaṛeń dohoakada jemon onkoakʼ mon do udạs cabakʼtako ar ḍher hoṛko gujukʼ. Hẽ, ona tarwaṛe do bijli leka malkaokʼa; ona do gogocʼ lạgitʼge laser ocoakana.

Amos 8:9

Probhu Isore menetʼkana, “Enhilokʼ tikin jokhecʼ siń cando doń hạsur ocoyea ar siń marsalrege dhạrti doń ńut ocoya.

Mikạ 3:6

“Ape lạgitʼ ńindạ daraekana, ape do cetʼ dorsonge bape ńela; ape lạgitʼ do ńut daraekana, ape do nạbi lekate cetʼge bape roṛ daṛeakʼa. Ape lạgitʼ cando doe hạsurokʼa ar siń do ńutokʼa.”

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

Dosar Biboron 28:29

Kãṛã hoṛ ńutre cetʼ lekae ṭạmḍạu baṛae onkage ape hõ sińrepe ṭạmḍạu baṛaea; ar jãhãnakʼ kạmirege bape jo-bahakʼa. Ape do jaoge santao arpe luṭ ocokʼa; ar ona khon bańcaope lạgitʼ celege bako tahena.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.