Jesaea 57:5 - সান্তালী বাইবেল

⁵ Ape do Elon dare buṭạkore, mitʼke mitʼ hạriạṛ dare buṭạkore herel reakʼ sanatepe jal jalaokʼkana; ape do buru nala ar huṭupʼ buru ciritʼkore aperen hoponpe teṅgenetʼkoa.

Jesaea 57:5 Iomraidhean Croise

1 Rapajko 14:23

Ona chaḍa onko do ako lạgitʼ mitʼke mitʼ usul burure ar mitʼke mitʼ dare buṭạkore than boṭkocʼko benaokeda ar sonot dhiri ar Asera muṭhạnko benao joṅana.

2 Rapajko 17:10

Onko mimitʼko do usul buru cetanre ar hạriạṛ dare buṭạ latarkore dhiriko ar Asera khunṭiko bạisạu joṅkan tahẽkana.

2 Rapajko 17:7

Noako hoylena, ente Misor khon, Misorren raj Pharaoakʼ gobol khon okoe do onkoe oḍok ạguletʼko Israelko do akoren uni Probhu Isor upạrteko kạiletʼ tahẽkana. Onko do debotakoko sewawako kan tahẽkana ar onko samaṅ khon Probhu Isor do okoe jạtrenkoe laga ńirletʼko tahẽkan onko lekako taṛametʼ tahẽkana. Ona chaḍa Israelren rajko oka ạri cạliko benao oṭoletʼ ona lekageko calakʼkan tahẽkana.

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

2 Bõsbudạ 28:3

Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

Exodus 32:6

Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.

Jesaea 1:29

“Hẽ, ape okoe do debdạru darepe sewawakʼ kan tahẽkan ape do ona iạtepe lajao ocokʼa, ar okako bagwanrepe sewayetʼ tahẽkan ona iạtepe nihạ̃t ocokʼa.

Jirimiạ 17:2

Aperen hopon ar hoponerako do mimitʼ hạṛiạṛ dare buṭạkore ar usul buruko reakʼ than boṭkocʼko ar Asera khunṭiko disạyetʼkana.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jirimiạ 3:6

Josiạ rajakʼ rajokʼ oktere Probhu Isor do ińe metadińạ, “Bạṛicʼakʼ horteye sen akan Israel okae cekakan ona do cetʼem ńel akatʼgea? Uni do sanam usul buruko cetanre ar hạṛiạr dare buṭạkore senkateye laṭghaṭ akada.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Jirimiạ 51:7

Babel do Probhu Isorakʼ tire mitʼṭecʼ sona reakʼ bạṭi leka tahẽkana; uni do goṭa dhạrtiye ńũ bul ocoleda. Jạt jạtrenko do uniyakʼ darkha rasako ńũleda, onate ńithõ onko do koṅkage menakʼkoa.

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.

Jeheskel 16:20

“ ‘Amren okoe hopon ar hoponerako iń lạgitʼ kukhirem janametʼko onko do jomakʼ lekate boṅgako ńutumtem samaṅ akatʼkoa. Amakʼ loṭghuṭi reakʼ kạmi do cetʼ ḍherge baṅ tahẽkana?

Jeheskel 20:26

Pạhilko janam akan hoponko do seṅgelreko khadleketʼkoa, ar ona hoteteń bhõnḍ ocowatʼkoa jemoniń marao utạrko. Unre onko doko baḍae daṛeakʼa je, iń kangeạń Probhu Isor do.’

Jeheskel 20:28

Okaṭakʼ disạm emako reakʼ iń kiriạlen onḍe idiko tayom onko do jãhãrege usul buru ar hạriạṛ dare buṭạko ńelketʼ onḍege janwarko samaṅketʼkoa. Onko do samaṅokʼ reakʼ porobkote ińko khĩs ocokedińạ.

Jeheskel 20:31

Teheń hạbicʼ ape do aperen boṅgako ṭhen aperen hopon ar hoponerako seṅgelrepe samaṅetʼkote onko boṅgako hotete apnartetʼpe bhonḍokʼ kana. E Israelko, iń do cetʼ ape hoteteń kuli ocokʼa? Iń ńutumteń kiriạkʼ kana, oka lekate hõ ińakʼ monsubạ do bạń baḍae ocopea.

Jeheskel 6:13

Israelko do akoakʼ pinḍ beṛhaeten boṅga murhutʼko talare, maraṅ maraṅ buru cetankore, darebuṭạkore ar hạṛiạṛ sakam darekore, debdạru buṭạkore, metakʼme okako ṭhạ̃ikore onkoren boṅga murhutʼko ńutumte jut mosola reakʼ dhupko jeretʼetʼ tahẽkan onako ṭhạ̃ire onko do gocʼ akanko tahena. Unre sarecʼ jiwetʼ tahen hoṛko baḍae daṛeakʼa iń kangeạń Probhu Isor do.

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Numeri 25:6

Onate Mose ar Israelren sanamko ńapamokʼ tạmbu reakʼ duạr ṭhen tinreko rakʼjoṅkan tahẽkana unre mitʼṭen Israel hoṛ do onko samaṅrege mitʼṭen Midiạnren kuṛi do acʼakʼ gharońj lạgitʼe idikedea.

Dosar Biboron 12:2

Okoe jạtrenkoakʼ bedokhol lạgitʼpe calakʼkan onḍe usul buru ar boṭkocʼkore ar hạriạṛ dare buṭạkore akoren debotako sewawako kan tahẽkan onako jaega dope marao giḍikakʼa.

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”