Jesaea 57:13 - সান্তালী বাইবেল

¹³ Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jesaea 57:13 Iomraidhean Croise

2 Rapajko 3:13

Elisae do Israelren raje metadea, “Am tulucʼ ińakʼ do cetʼ? Am do amren ạpum ar amren eṅgamren nạbiko ṭhen calakʼme.” Israelren raje roṛ ruạṛkeda, “Baṅa, bạń calakʼa, ente Moabakʼ tire jimạle lạgitʼ Isorge ale pepe rapajkoe jarwa mitʼ akatʼlea.”

Jobakʼ 21:18

Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Sereńko 118:8

Manwako cetanre bhorsa baṅkate Probhu Isorre bhorsakʼ do bhagea.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

Sereńko 37:22

Probhu Isor okoeye bhorako onko do ạidạriko ńama, menkhan okoe uniye sarapako onko doko marao ocokʼa.

Sereńko 37:29

Isor botorae hoṛko do disạmko ạidạrijoṅa ar onḍe do jaejug hạbicʼko tahena.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

Sereńko 37:9

Bạṛicʼ hoṛ doko marao ocokʼa, menkhan Probhu Isorre okoeko bhorsakʼ kan onko do disạmko ạidạri joṅa.

Sereńko 58:9

Apeakʼ ṭukucʼre seṅgel reakʼ ãc ạuri paṛaokʼrege uni do rohoṛ ar jạnum sahanko birbão hoeteye oṭaṅ idiya.

Sereńko 84:12

E sanam daṛeanicʼ Probhu Isor, okoe amreye bhorsakʼ kan uni doe bhạgangea.

Kạhtukko 28:25

Laloc menakʼtae hoṛ doe jhogṛakʼa, menkhan okoe Probhu Isorreye bhorsakʼ uni doe jo bahakʼa,

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 40:24

Enegeko rohoeyokʼ kana, ar enegeko erogokʼ kana ar enegeko rehedokʼ kana, uni do onko cetanreye oṅeda ar onko doko tolmojokʼ kana; mitʼṭecʼ hoe bharḍo leka uni doe oṭaṅ idiyetʼkoa.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jirimiạ 22:20

Probhu Isore meneda, “E Jerusalem, am do Lebanonte senkate hohoeme, ar Basonre amakʼ aṛaṅ ańjom ocoytam. Am do Abarim khon kikiạume, ente amren dulạṛiạko doko chirchạtur akana.

Jirimiạ 22:22

Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Jeheskel 20:40

Unre disạm talare ińakʼ sonot burure, Israel reakʼ usul burure, Israelren sanam hoṛ do ińko sewawạńạ ar iń do onḍe onkoń ataṅkoa. Onḍe iń do apeakʼ joto lekanakʼ sonot samaṅokʼakʼ, dan ar bhage bhage sandeskoń ataṅtapea.

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

Bikʼcạrko 10:14

Okoe debotakope bachaoan tahẽkan onko ṭhenge senkate ragpe. Onkoge muhinreko bańcaope ma.”