Biblia Todo Logo
Bìoball air-loidhne

- Sanasan -




Jesaea 55:3 - সান্তালী বাইবেল

3 Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Faic an caibideil Dèan lethbhreac




Jesaea 55:3
45 Iomraidhean Croise  

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.


Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.


Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.


Ńitokʼ am do kusite amren gutiyakʼ bõsko bhorakʼme jemon onko do jaejug am samaṅreko tahen. E Probhu Isor, apnartege ona katha dom men akada ar amakʼ bhorte amren nui gutiyakʼ bõskore jaejug ạsirbad tahẽ akae tahena.”


E Probhu Isor, amem ojokʼ bahal akatʼko hoṛkoakʼ koejoṅ do alom dea giḍikakʼa; amren guti Dạud okaṭakʼ khạndri dulạṛem udukʼ akawade ona baṛe disạ dohokakʼme.”


Jao ghuṛi, hẽ mucạtʼ hạbicʼge iń do amakʼ ạnko pańjae lạgitʼ ińakʼ ontoriń lawer akatʼtińa.


Iń bańcao dohoyińme jemoniń gun manao joharam; ar amakʼ ạn ạriko do ińe goṛowạńma.


E iń jạtren hoṛko, ińakʼ binti ańjomtińpe; ar ińakʼ moca reakʼ kathako luturakʼpe.


Jaejug hạbicʼ uni lạgitʼ ińakʼ dulạṛ do tahena; uni lạgitʼge ińakʼ bondobos do ṭikạu tahena.


Iń do uniren bõsko jaejug hạbicʼ iń doho idikoa; tinạkʼ din serma tahena unạkʼ din uniyakʼ siṅghạson hõ tahena.


Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”


E bạbu, iń okań metamkan ona moneyakʼme, ar ińakʼ katha luturakʼtiń me.


Ińakʼ hukum dohoyme, ar jiwetʼ baṛe tahenme. Ińakʼ cecetʼakʼ do amakʼ mẽtʼãhã reakʼ moni leka pahra dohoyme.


“E ińren hoṛko, ińakʼ katha ańjompe, ińakʼ kathako luturakʼpe. Iń khonge hukum do oḍokokʼa; ar ińge dhorom reakʼ bicạriń ṭarhao ocoya jemon jạt jạtrenko hõ marsalko ńam.


Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.


Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.


Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.


Ona bodolte onko do akoren Probhu Isor ar akoren raj Dạudren mitʼṭen hoponko sapʼsoraea one iń do onkoren rajiń hoeocoye.


Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.


enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”


Jirimiại roṛ ruạṛkeda, “Onko do bako soprotmea. Iń okań metamkan onam onkaete Probhu Isorakʼ bataotaeme. Enḍekhan amakʼ bhage hoyokʼa, ar amakʼ jiwim bańcaotama.


Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.


Enhõ amakʼ thoṛa umerre am lạgitʼ oka bondobosiń doholetʼ ona doń disạigea ar am lạgitʼ mitʼṭecʼ jaejug reakʼ bondobosiń bandhaoa.


Iń Probhu Isorge onkoren Isoriń hoyokʼa ar ińren guti Dạud do onkoren mukhiyại hoyokʼa. Iń Probhuge noa katha doń meneda.


“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.


Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.


Ińakʼ niạm ar ạn-ạriko manao hoyokʼtapea, ente okoeye manaoa uni do ona hotetege jiwetʼe tahena. Iń kangeạń Probhu Isor do.


Probhu Isor do Israelren hoṛkoe metakokana, “Iń ṭhen hijukʼpe, enḍekhanpe bańcaokʼa.


Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.


“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.


“Menkhan ape dope bhạgangea, ente apeakʼ mẽtʼ doe ńeleda, ar apeakʼ lutur doe ańjomeda.


Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”


Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.


Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,


Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.


Okoe hoṛ doe Isorren kan, uni do Isorakʼ kathageye ańjoma. Ape dope baṅkante Isorakʼ katha bape ańjomeda.”


Isor do gocʼko khon uniye jiwetʼ akadea ar uniyakʼ hoṛmo do tishõ baṅ nosṭokʼtaea, ona kathakore Isore menakada, ‘Sonot ar sạriyakʼ bhor reakʼ Dạud ṭhen okań kiriyạlen, ona do amiń emama.’


Ạn-ạriko pańjaete dhorom ocokʼ babotre Moseye olakada, “Okoe hoṛ ạn-ạriko reakʼ katha lekae calakʼkan uni do ona hotetege jiwetʼe tahena.”


Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.


Lean sinn:

Sanasan


Sanasan